Лаўрэатамі ганаровага звання «Чалавек года Віцебшчыны» сталі 100 жыхароў Прыдзвінскага краю. Сярод іх спартсмены, работнікі адукацыі, аховы здароўя, ЖКГ, сельскагаспадарчай і іншых сфер.
Усяго гэтым званнем ушаноўваюць жыхароў вобласці ў 20 намінацыях, пачынаючы з 2009 года (па выніках дасягненняў у мінулым годзе). Штогод у спісе ёсць людзі, якімі без перабольшвання ганарацца не толькі калегі, землякі, але і ўся краіна.
У прыватнасці, сёлета лаўрэатам стаў залаты прызёр Параалімпіяды ў Рыа-дэ-Жанэйра ў фехтаванні на калясках Андрэй Праневіч. Адзначылі і пераможцу мінулай Алімпіяды ў спаборніцтвах па скачках на батуце Уладзіслава Ганчарова і яго трэнера Вольгу Уласаву.
Герояў урачыстасці, якая адбылася ў канцэртнай зале «Віцебск», павіншаваў старшыня Віцебскага аблвыканкама Мікалай Шарснёў. Ён адзначыў, што лаўрэаты па праве ўдастоіліся прызнання і павагі. І кожны з іх сваімі адданасцю любімай справе, працавітасцю, энергіяй заслужыў высокае званне «Чалавек года Віцебшчыны». З такіх бяруць прыклад, на іх раўняюцца. Ён падкрэсліў, што яны ўносяць уклад у славутую гісторыю края, краіны. Іх напружаная праца, дасягненні — нагода для прыемных падзей, дасягненняў.
Па традыцыі лаўрэаты атрымліваюць дыплом, нагрудны знак, грашовыя прэміі. Іх твары можна будзе бачыць на працягу года на бігбордах каля буйных дарог гарадоў і раёнаў, дзе яны жывуць, адкуль пачыналі прафесійны рост.
Аляксандр ПУКШАНСКІ
Фота Аляксея Спаткая
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
