Вы тут

Кітайскае свята ліхтароў адзначаць у Белдзяржуніверсітэце


Гэта ўсходняя ўрачыстасць азначае канчатак традыцыйнага Новага года па месяцовым календары (свята Вясны).


Плануецца, што 10 лютага ў мерапрыемстве возьмуць удзел рэктар БДУ акадэмік Сяргей Абламейка, Надзвычайны і Паўнамоцны Пасол КНР у Беларусі Цуй Цімін, дырэктар Рэспубліканскага інстытута кітаязнаўства імя Канфуцыя БДУ Анатоль Тозік, а таксама іншыя прадстаўнікі інстытута.

У рамках свята адбудзецца ўзнагароджанне пераможцаў і ўдзельнікаў конкурсу дзіцячай творчасці “Як я бачу Кітай”, арганізаванага інстытутам Канфуцыя. Усяго членамі журы было ацэнена больш як 70 цудоўных работ, выкананых вучнямі сярэдніх школ і гімназій. Усе ўдзельнікі, якія прысвяцілі свае вырабы і малюнкі Кітаю, удастояцца памятных прызоў.

Адзначым, што сучасная кітайская мова стала ў нашай краіне аб'ектам пільнай увагі многіх жадаючых вывучаць ўсходнюю культуру. Колькасць слухачоў курсаў Рэспубліканскага інстытута кітаязнаўства імя Канфуцыя БДУ ўзрастае з кожным годам. Так, у бягучым навучальным годзе заняткі па кітайскай мове наведваюць больш як 250 дарослых і дзяцей.

Урачыстасці адбудуцца ў Ліцэі БДУ (вуліца Ульянаўская, 8). Пачатак у 16.00. Уваход на мерапрыемства свабодны.

Надзея НІКАЛАЕВА

nikalaeva@zviazda.by

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.