«Звязда» працягвае знаёміць патэнцыйных усынавіцеляў і апекуноў з хлопчыкамі і дзяўчаткамі, якія больш за ўсё на свеце мараць пра дружную сям'ю... Дзякуючы тэлевізійнай рубрыцы «У вас будзе дзіця» (што выходзіць на канале АНТ у рамках праграмы «Пакуль усе дома») 68 герояў ужо знайшлі клапатлівых бацькоў. Сёння мы раскажам пра абаяльнага Стасіка, які выхоўваецца ў Ждановіцкім дзіцячым доме.
Хлопчык, якога вы бачыце на здымку, — галоўны артыст і любімец выхавальнікаў. У дзіцячым доме яго пяшчотна называюць маленькім сонейкам, бо Стасік заўсёды ўсміхаецца.
— Стасу толькі 5 годзікаў. Але, нягледзячы на ўзрост, ён вельмі працалюбівы. Любіць дзяжурыць па сталовай, умее прыгожа накрываць на стол, — расказвае настаўнік-дэфектолаг Юлія САЎКО. — Радуе і непадробная цікавасць хлопчыка да музыкі, танцаў. Усім запомнілася, як цудоўна Стасік сыграў ролю грыбочка на адным з нашых свят. Вучыў іншых дзетак, што мухаморы рваць нельга. Як і ўсе хлопчыкі, Стасік вельмі любіць гуляць з машынкамі. Ён будуе для іх гаражы з кубікаў. Яшчэ з тых самых кубікаў ён узводзіць вялікія вежы і дамы. Калі пытаемся «для каго», адказвае: «Для мамы, таты і маленькага сабачкі».
Шчыра спадзяёмся, што вельмі хутка мара Стасіка стане рэальнасцю. Што ў яго будзе сапраўдны дом, дзе будуць жыць мама, тата і ён. І нават, магчыма, маленькі сабачка. І ў гэтым доме будзе цёпла і ўтульна. Але самае галоўнае, маленькае сонейка там будуць шчыра любіць.
Калі вы хочаце даведацца пра Стаса больш, патэлефануйце па нумары (017) 284-71-51 спецыялістам Нацыянальнага цэнтра ўсынаўлення Міністэрства адукацыі. Таксама для тых, хто хоча ўсынавіць дзіця, на сайце vіdеораssроrt.ru змешчаны відэакурсы, падрыхтаваныя сумесна НЦУ і творчай групай праекта.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.