26 Верасень, серада

Вы тут

Рэспубліканскі кар'ерны форум пройдзе ў Мінску


Аказаць садзейнічанне ў працаўладкаванні студэнтаў і пошуку першага працоўнага месца закліканы адкрыты Рэспубліканскі кар'ерны форум, які пройдзе ў Мінску 15 лютага. Яго арганізатарамі выступілі Беларускі дзяржаўны ўніверсітэт і Міністэрства адукацыі.


За час работы форуму ў студэнтаў з'явіцца цэлы шэраг цікавых прапаноў і рэальных магчымасцяў. Будучыя спецыялісты пазнаёмяцца з рэаліямі сучаснага рынку працы, змогуць знайсці добрую вакансію і месца для праходжання практыкі або стажыроўкі, пашыраць кола сваіх прафесійных кантактаў, а таксама атрымаюць практычны вопыт ад прапанаваных рашэнняў-кейсаў кампаній, што ўдзельнічаюць у форуме.

Праграма ўключае шырокі спектр тэматычных акцый. У рамках форуму пройдуць майстар-класы, выступленні спікераў, а таксама троххвілінныя гутаркі з работадаўцамі. У ролі спікераў выступяць прадстаўнікі раздзела «Праца» на партале TUT.BY, «Альфа-Банка» і фонду «Сколкава». Іх выступленні і прэзентацыі дапамогуць знайсці адказы на актуальныя пытанні, якія датычацца асабістага росту маладых спецыялістаў, попыту на прадстаўнікоў розных спецыяльнасцяў на сучасным рынку працы, складання рэзюмэ і іншыя.

А, напрыклад, слухачоў лабараторыі дызайн-мыслення навучаць структураванаму падыходу да вырашэння праблем, якія не маюць, на першы погляд, відавочных рашэнняў. Такая метадалогія дызайн-мыслення аформілася нядаўна, у 2007 годзе, у Школе дызайну Стэнфардскага ўніверсітэта (ЗША), але ўжо шырока выкарыстоўваецца ў такіх канкурэнтаздольных кампаніях, як Gооglе, Аррlе, SАР, Mеrсеdеs, Еlесtrоnіс Аrts, VІSА і іншых.

У рамках форуму пройдзе таксама панэльная дыскусія на тэму «Скарачэнне адлегласці паміж акадэмічнай адукацыяй і патрэбамі бізнесу». Удзел у ёй возьмуць спецыялісты Міністэрства адукацыі і прадстаўнікі бізнес-супольнасцяў.

Пляцоўкай для правядзення форуму стане мінскі гатэль «Пекін» (вул. Чырвонаармейская, 36).

Надзея НІКАЛАЕВА

nіkаlаеvа@zvіаzdа.bу

Загаловак у газеце: Кар'ерныя перспектывы

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.