17 Жнівень, чацвер

Вы тут

Сёння стартуе чэмпіянат свету па біятлоне


Да галоўных гонак сёлетняга спаборніцкага года нашы жаночая і мужчынская каманды рыхтаваліся ў розных гарадах і нават краінах. Жаночая дружына пад кіраўніцтвам Фёдара Свабоды праходзіла зборы ў нямецкім Рупольдынгу, за выключэннем Дар'і Домрачавай. Яна разам з мужам Уле-Эйнарам Б'ёрндаленам рыхтавалася да чэмпіянату свету ў італьянскім Антхольцы. Мужчынская беларуская каманда пад кіраўніцтвам Аляксандра Сымана прайшла падрыхтоўку ў аўстрыйскім Рамзау. Вынікі старанняў нашых трэнераў і спартсменаў убачым ужо днямі.


Сёлетні чэмпіянат свету пройдзе ў аўстрыйскім Хохфільцэне з 9 па 19 лютага, яго прымае абноўлены стадыён, які змяшчае больш за 10 тысяч балельшчыкаў. Арганізатары паведамляюць, што на трасах укладзена ад 30 да 50 см снегу, таму ніякіх праблем з-за надвор'я паўстаць не павінна. Чакаецца, што спаборніцтвы наведаюць звыш 100 тысяч балельшчыкаў.

За некалькі дзён да старту трэнерскі штаб беларускай зборнай аб'явіў склад каманд. У мужчынскую дружыну ўвайшлі Уладзімір Чапелін, Дзмітрый Абашаў, Сяргей Бачарнікаў, Раман Ялётнаў, Максім Варабей. У жаночую — Дар'я Дом-
рачава, Надзея Скардзіна, Ірына Крыўко, Дар'я Юркевіч і Надзея Пісарава.

Спаборніцкая праграма адкрыецца сёння змешанай эстафетай. Плануецца, што ад нашай зборнай выступіць квартэт, у які ўвойдуць: Надзея Скардзіна, Ірына Крыўко, Уладзімір Чапелін і Сяргей Бачарнікаў. Лідар зборнай Дар'я Домрачава пачне сваё выступленне ў Хохфільцэне са спрынтарскай гонкі.

Расклад гонак чэмпіянату свету:

9 лютага (16.45) — змешаная эстафета

10 лютага (16.45) — спрынт, жанчыны

11 лютага (16.45) — спрынт, мужчыны

12 лютага (12.30) — гонка пераследу, жанчыны

12 лютага (16.45) — гонка пераследу, мужчыны

15 лютага (16.30) — індывідуальная гонка, жанчыны

16 лютага (16.30) — індывідуальная гонка, мужчыны

17 лютага (16.45) — эстафета, жанчыны

18 лютага (16.45) — эстафета, мужчыны

19 лютага (13.30) — мас-старт, жанчыны

19 лютага (16.45) — мас-старт, мужчыны.

Дар'я ЛАБАЖЭВІЧ

lobazhevich@zviazda.by

Загаловак у газеце: На піку сезона

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.