Вы тут

Уся спартыўная галіна будзе рыхтавацца да Еўрагульняў


У Нацыянальным алімпійскім камітэце прайшло пасяджэнне калегіі Міністэрства спорту і турызму. На ім кіраўнікі галіны, федэрацый і трэнеры падвялі вынікі работы ў 2016 годзе і акрэслілі задачы на 2017-ы.


Па выніках пасяджэння Мінспорту былі выдзеленыя асноўныя напрамкі работы: падрыхтоўка да летніх Дэфлімпійскіх гульняў 2017 года, зімовых Алімпійскіх і Параалімпійскіх гульняў 2018 года, а таксама ведамства паставіла задачу павышэння якасці навуковага забеспячэння, павелічэння заработнай платы ў галіне, узмацнення ролі фізкультурна-масавых мерапрыемстваў і актывізацыі работы па развіцці турыстычнай інфраструктуры.

Асаблівая ўвага была звернута на падрыхтоўку да Еўрапейскіх гульняў, якія плануе будзе прымаць Беларусь у 2019 годзе.

— Уся спартыўная галіна будзе задзейнічана ў гэтым маштабным мерапрыемстве. Нашым супрацоўнікам неабходна вывучаць замежныя мовы, павінна быць павышана інфарматызацыя спартыўных аб'ектаў, якія будуць выкарыстаныя ў ходзе Еўрагульняў, — падкрэсліў першы намеснік кіраўніка Адміністрацыі Прэзідэнта, першы віцэ-прэзідэнт НАК Беларусі Максім Рыжанкоў.

Таксама ён заклікаў звярнуць асаблівую ўвагу на падрыхтоўку трэнерскіх кадраў у спартыўных дзіцяча-юнацкіх школах і выбудоўванне спартыўнай вертыкалі на раённым узроўні.

— Калі мы не выбудуем спартыўную структуру ў раёнах сёння, заўтра не будзе на каго абаперціся, — адзначыў Максім Уладзіміравіч.

На працу настаўнікаў і спартсменаў, а таксама на іх навучанне пільную ўвагу заклікаў звярнуць і намеснік прэм'ер-міністра Беларусі Васіль Жарко. Ён адзначыў, што ў Беларусі створаны выдатныя ўмовы для заняткаў фізічнай культурай і спортам і ад атлетаў павінна быць адпаведная аддача.

— На мой погляд, для дасягнення пастаўленых мэт не хапае павышанай адказнасці кіраўніцтва ў спартыўнай галіне на ўсіх узроўнях. Асабліва вострая тэма — якасць падрыхтоўкі і недахоп трэнераў. Неабходна больш актыўна выкарыстоўваць мэтавую падрыхтоўку, якая забяспечыць спартшколы добрымі спецыялістамі, — сказаў Васіль Жарко.

Акрамя гэтага, на калегіі былі разгледжаны пытанні барацьбы з допінгам, развіцця спартыўнай навукі, эфектыўнасці работы федэрацый па відах спорту і іншыя важныя праблемы спартыўнай галіны.

Дар'я Лабажэвіч

lobazhevich@zviazda.by

Загаловак у газеце: Выбудаваная спартыўная структура — залог поспеху

Дадаць каментар

Выбар рэдакцыі

Грамадства

Якім быць новаму музею МТЗ?

Якім быць новаму музею МТЗ?

Рэтра-трактары і 5D-сімулятар.

Спорт

Якую ролю выконваюць валанцёры на самых буйных спартыўных турнірах

Якую ролю выконваюць валанцёры на самых буйных спартыўных турнірах

І хто будзе працаваць на Еўрапейскіх гульнях у Мінску.

Грамадства

Апошнія дні рэдактара падпольнай «Звязды» Вячаслава Нікіфарава

Апошнія дні рэдактара падпольнай «Звязды» Вячаслава Нікіфарава

Апошнія дні адзін з рэдактараў падпольнай «Звязды» правёў у фашысцкім засценку побач са сваімі паплечнікамі.

Грамадства

Ліпеньская казка на гары Карпацкай

Ліпеньская казка на гары Карпацкай

Ёсць ў Глыбоцкім раёне, недалёка ад вёскі Запруддзе, высокая гара, якую мясцовыя жыхары называюць Карпацкай.