Вы тут

Створаны комплекс для каліброўкі спадарожнікавых здымачных сістэм


Навукоўцы БДУ стварылі комплекс для каліброўкі спадарожнікавых здымачных сістэм. Яго распрацоўшчыкамі выступілі супрацоўнікі аддзела аэракасмічных даследаванняў Інстытута прыкладных фізічных праблем БДУ.


Як патлумачылі аўтары інавацыі, у перыяд эксплуатацыі апаратуры Беларускай касмічнай сістэмы дыстанцыйнага зандзіравання Зямлі і іншых апаратаў адбываецца натуральнае адхіленне ад зыходных характарыстык прыбораў для здымак выяў. Праблема іх абслугоўвання актуальная ва ўсім свеце, паколькі практычнае выкарыстанне патрабуе забеспячэння якасці атрыманай з космасу інфармацыі. Касмічныя здымкі выкарыстоўваюцца ў інтарэсах розных міністэрстваў, ведамстваў і арганізацый.

Распрацаваны ў БДУ апаратна-праграмны комплекс «Каліброўка» прызначаны менавіта для забеспячэння высокадакладнай палётнай каліброўкі спадарожнікавых здымачных сістэм. Ён дазволіць праводзіць іх карэкцыю і павысіць надзейнасць расшыфроўкі звестак. Выкарыстанне комплексу дасць магчымасць таксама вырашыць праблему ўкамплектаванасці палігонаў, якія забяспечваюць пастаянны кантроль за сістэмамі дыстанцыйнага зандзіравання Зямлі. Апаратна-праграмны комплекс можа ўстанаўлівацца на палігонах на трыножкі, вышкі, а таксама эксплуатавацца з прыцягненнем авіяцыйных сродкаў.

Комплекс прайшоў папярэднія лабараторныя і прыродныя выпрабаванні. Мяркуецца, што ён будзе эксплуатавацца на палігонах у Беларусі (у Плешчаніцах і на «Заходняй Бярэзіне») і Курскім аэракасмічным палігоне ў Расійскай Федэрацыі.

Надзея НІКАЛАЕВА

nіkalaeva@zvіazda.by

Загаловак у газеце: «Каліброўка» для паляпшэння «зроку» касмічнага апарата

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.