Вы тут

"Студэнцкія гульні– 2017” стартуюць у Белдзяржуніверсітэце 18 лютага


Удзельнікамі інтэлектуальных спаборніцтваў стануць 40 каманд з беларускіх ВНУ. У кожную ўваходзяць шэсць студэнтаў-інтэлектуалаў, узрост якіх не перавышае 24 гады. Таксама ў гэтым годзе ў фестывалі выступіць і каманда Расійскага ўніверсітэта дружбы народаў (РУДН).


Праграму адкрыюць медыя-гульні. Эрудытам трэба будзе прайсці “Медыя-азбуку”,   “Гульню ў словы” і прадэманстраваць свой кругагляд у “Эрудыт-квартэце”, дзе заданні разлічаны на логіку, якая дапаможа выбраць правільную версію з мноства  прапанаваных варыянтаў.

Новае для фестывалю спаборніцтва “БДУ-квіз” патрабуе ад ігракоў папярэдняй падрыхтоўкі і разлічана на вокамгненную кемлівасць. Студэнты павінны будуць адказаць на 10 пытанняў з самых розных сфер: музычнай культуры, літаратуры, гісторыі, тэатральнага і кіна-мастацтва. Для прыкладу, удзельнікам фестывалю будзе прапанаваная лічба, якая мае ключавую ролю ў гісторыі Беларусі. Ад удзельнікаў патрабуецца агучыць сваю версію наконт лічбавага значэння паваротнага моманту ў мінулым нашай краіны. Гэты від спаборніцтваў будзе арганізаваны на беларускай мове.

Другі дзень спаборніцтваў адкрые гульня "Што? Дзе? Калі?”. Пытанні для ігракоў прыдуманыя рэдактарамі Міжнародных студэнцкіх гульняў з Беларусі, Расіі і Латвіі. У гэты ж дзень у 16.30 адбудзецца ўзнагароджанне прызёраў фестывалю.

Па выніках спаборніцтваў вызначаць тры лепшыя каманды, якія ў далейшым будуць змагацца за Кубак чэмпіянату Беларусі па інтэлектуальных гульнях сярод студэнтаў.

Галоўная мэта двухдзённага рэспубліканскага фестывалю — папулярызацыя інтэлектуальных формаў баўлення вольнага часу, а таксама абмен вопытам і наладжванне сяброўскіх сувязяў паміж студэнтамі розных ВНУ.

Арганізатарам мерапрыемства выступіла ўпраўленне па справах культуры БДУ пры падтрымцы Беларускай лігі інтэлектуальных каманд (БЛІК).

Надзея НІКАЛАЕВА

nikalaeva@zviazda.by

Дадаць каментар

Выбар рэдакцыі

Калейдаскоп

Парады для беларускіх аматараў жанру Stand-up

Парады для беларускіх аматараў жанру Stand-up

Гумарыстычнымі праграмамі ў жанры stand-up сёння не здзівіш еўрапейскага, расійскага і ўкраінскага тэлегледача. 

Калейдаскоп

Гурт MІLKІ: У дзявочым калектыве заўсёды ёсць канкурэнцыя

Гурт MІLKІ: У дзявочым калектыве заўсёды ёсць канкурэнцыя

​Тры гады таму яны прайшлі кастынг у гурт, які збіраў Аляксандр Рыбак.

Грамадства

Рэпартаж з Міжнароднай летняй школы беларусістыкі

Рэпартаж з Міжнароднай летняй школы беларусістыкі

50 студэнтаў з розных краін прыехалі на два тыдні, каб вывучаць беларускую мову.

Грамадства

Адзін дзень у педагагічным атрадзе

Адзін дзень у педагагічным атрадзе

Калі вельмі хочацца ў дзіцячы лагер, а пуцёўкі з-за ўзросту ўжо не прадаюць, можна запісацца ў важатыя.