Сітуацыя з увядзеннем Расіяй пагранічнай зоны на мяжы з нашай краінай пастаянна знаходзіцца ў полі ўвагі Міністэрства замежных спраў. Пра гэта паведаміў журналістам начальнік упраўлення інфармацыі — прэс-сакратар МЗС Беларусі Дзмітрый МІРОНЧЫК.
«Сітуацыя з увядзеннем расійскім бокам пагранічнай зоны на тэрыторыі, прылеглай да Дзяржаўнай граніцы Беларусі, пастаянна знаходзіцца ў полі нашай увагі, — сказаў Дзмітрый Мірончык. — Міністэрства адсочвае інфармацыю для своечасовага аказання беларускім грамадзянам неабходнай прававой дапамогі. З моманту дзеяння новых правілаў, што ўступілі ў сілу 7 лютага, якіх-небудзь сігналаў аб праблемных пытаннях ад нашых грамадзян не паступала, сітуацыя ў цэлым спакойная».
Прэс-сакратар звярнуў увагу, што МЗС Беларусі, вядома, прадоўжыць работу з расійскім бокам у гэтым кірунку і разлічвае на цеснае ўзаемадзеянне па лініі пагранічных службаў у частцы атрымання дэталёвых і вычарпальных тлумачэнняў.
«Яшчэ раз падкрэслю: на сённяшні дзень у межах беларускіх прыгранічных тэрыторый на граніцы з Расіяй у нас няма рэжымных зон», — заўважыў Дзмітрый Мірончык.
Надзея ЮШКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
