У Столінскім раёне і ваколіцах распаўсюджана спецыфічнае парушэнне прыродаахоўнага заканадаўства — тут крадуць урадлівы слой зямлі з лясоў і перавозяць глебу на ўласныя цяпліцы.
Як паведаміў начальнік Столінскай міжраённай інспекцыі аховы жывёльнага і расліннага свету Генадзь СЫСА, у год інспектары выяўляюць да дзясятка парушэнняў, звязаных са знішчэннем урадлівага слою зямлі ў лясных угоддзях. Нярэдка ў іх поле зроку трапляюць жыхары Альшанаў і другіх вёсак, якія такім чынам здабываюць грунт для расады. Так, у Дубайскім лясніцтве Столінскага лясгаса днямі былі затрыманыя двое жыхароў раёна, якія лапатамі знялі ўрадлівы слой глебы на ўчастку плошчай 40 квадратных метраў. Нават мароз і снег не сталі ім перашкодай. Грамадзяне прыцягнуты да адміністрацыйнай адказнасці. Яны мусяць кампенсаваць урон, нанесены прыродзе, у памеры 920 рублёў, а яшчэ ім пагражае штраф да 20 базавых велічынь.
Святлана ЯСКЕВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.
