Вы тут

Дзмітрый Мірончык: Бязвізавы рэжым можа быць прадоўжаны


Начальнік упраўлення інфармацыі — прэс-сакратар МЗС Дзмітрый Мірончык адзначыў, што рашэнне аб гэтым будзе прымацца па выніках пяцідзённага тэрміну. Магчымасцю наведаць Беларусь у гэтыя дні ўжо скарысталіся амаль 500 іншаземцаў.


Калі такі рэжым застанецца запатрабаваным сярод гасцей Беларусі і дасць станоўчы эфект, можна будзе гаварыць пра працяг эксперымента. Дзмітрый Мірончык звярнуў увагу, што на гэта ўплываюць розныя крытэрыі і «ў залежнасці ад іх будзе прымацца рашэнне адносна далейшага ўдасканалення рэжыму бязвізавага ўезду. Хутчэй за ўсё гаворка будзе ісці пра прадаўжэнне тэрмінаў. Мы будзем заставацца ў рэжыме пропуску праз Нацыянальны аэрапорт Мінск, але на даўжэйшы тэрмін».

Адзін з варыянтаў — прадоўжыць бязвізавы рэжым на два тыдні. Санаторна-курортнае лячэнне — адна з «візітовак» Беларусі, таму для іншаземцаў прапанова сумясціць адпачынак, вандроўку і паляпшэнне здароўя магла б быць цікавай. 12 дзён — адзін са стандартных тэрмінаў знаходжання ў санаторыях. «Калі мы будзем рабіць наступны крок, то лагічна гаварыць пра 12 ці 14 дзён», — заявіў Дзмітрый Мірончык.

Надзея АНІСОВІЧ

аnіsоvісh@zvіаzdа.bу

Загаловак у газеце: Бязвізавы рэжым можа быць прадоўжаны

Дадаць каментар

Выбар рэдакцыі

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці

Грамадства

На чым Ветка трымаецца

На чым Ветка трымаецца

Формула поспеху мясцовага музея простая: шануй сваё, тым і будзеш цікавы.

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...