Вы тут

На наступным тыдні невялікі плюс чакаецца нават уначы


У гэтыя выхадныя на тэрыторыі Беларусі чакаецца няўстойлівае надвор'е, калі амаль паўсюдна па краіне прагназуюцца мокры снег і дождж, паведамляе намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.


Мокры снег з дажджом прыйдзе да нас ужо сёння. Магчымыя слабы туман і галалёд, на асобных участках дарог галалёдзіца. Максімальная тэмпература паветра ўдзень складзе ад 1 градуса марозу да 4 цяпла. У выхадныя на тэрыторыю Беларусі завітаюць атмасферныя франты, якія «прынясуць» няўстойлівае надвор'е. У суботу ўначы ападкі ў выглядзе мокрага снегу і дажджу прагназуюцца на большай частцы тэрыторыі краіны, а ўдзень — толькі па паўднёвым усходзе. Паўсюдна слабы туман і галалёд. Тэмпература паветра ўначы будзе вагацца ў межах ад мінус 3 градусаў да 2 цяпла, удзень — ад мінус 1 градуса да 4 цяпла. Спецыялісты адзначаюць, што надвор'е яшчэ больш пагоршыцца, калі ў нядзелю да нас завітае чарговая франтальная сістэма з поўдня Скандынаўскага паўвострава. Таму ўначы ў нядзелю ў крайніх паўночна-заходніх раёнах, а ўдзень на большай частцы тэрыторыі Беларусі пройдуць мокры снег і дождж, слабы туман і галалёд. Удзень будзе моцны парывісты вецер. Тэмпература паветра ўначы складзе ад мінус 4 градусаў да 1 цяпла, а ўдзень — ужо ад 1 марозу да плюс 4 градусаў.

Паводле папярэдніх прагнозаў айчынных спецыялістаў, у першыя дні наступнага тыдня надвор'ем у Беларусі будуць кіраваць атмасферныя франты, якія пачнуць рухацца да нас з боку Заходняй Еўропы, а таксама і цёплыя паветраныя масы атлантычнага паходжання. У панядзелак на большай частцы тэрыторыі краіны пройдзе мокры снег з дажджом, уначы і раніцай магчымы слабы галалёд. Моцны парывісты вецер. Тэмпература паветра ўначы складзе ад мінус 3 градусаў да плюс 2, удзень — ад нуля да 5 цяпла. Сіноптыкі адзначаюць, што ў аўторак стане крыху цяплей. Прагназуюцца кароткачасовыя ападкі (уначы мокры снег, удзень — пераважна дождж) і слабы галалёд. Тэмпература паветра ўначы будзе вагацца ад мінус 5 градусаў да плюс 2, удзень — ад нуля да 6 цяпла.

Сяргей КУРКАЧ

kurkасh@zvіаzdа.bу

Загаловак у газеце: Час ранішняй слізготы

Дадаць каментар

Выбар рэдакцыі

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.

Эканоміка

Навошта нам долары?

Навошта нам долары?

Намеснік старшыні праўлення Нацыянальнага банка Беларусі Сяргей Калечыц расказаў аб дэдаларызацыі эканомікі Беларусі Сыходзіць ад прывязкі

Грамадства

Перадабортнае кансультаванне — гэта перш за ўсё клопат пра жанчыну

Перадабортнае кансультаванне — гэта перш за ўсё клопат пра жанчыну

У ліпені ў Мінску ў трох паліклініках — 10-й, 23-й і 37-й — былі адкрыты кабінеты «За жыццё», дзе праводзяць перадабортнае кансультаванне.

Грамадства

Наколькі складана ў нашай краіне стаць кандыдатам і доктарам навук?

Наколькі складана ў нашай краіне стаць кандыдатам і доктарам навук?

Ці лічыце вы мэтазгодным устанаўленне адзіных патрабаванняў да саіскальнікаў вучоных ступеняў па колькасці апублікаваных навуковых работ незалежна ад галіны навукі?