Вы тут

Падарожжа ў Астравецкі раён


Падарожжа ў Астравецкі раён

Адным ранкам. Амаль з Мінскага аўтавакзала. Святлана Воцінава, Кацярына Захарэвіч і Дзмітрый Шулюк селі ў маршрутку і паехалі на захад. Туды, дзе вечарамі садзіцца сонца, а ранкам пачынае ўставаць Астравецкая АЭС. З сабой яны ўзялі некалькі часопісаў, фотаапарат і добры настрой. Дарэчы, добры настрой можна было б і не браць, бо за час падарожжа яго прапаноўвалі не раз і не два і ў вялікіх аб’ёмах.

Маршрутка прывезла нашых герояў у новы мікрараён Астраўца, дзе іх сустрэла намеснік дырэктара Гудагайскай сярэдняй школы Янцэвіч Жанна Леанардаўна. Святлана, Кацярына і Дзмітрый селі ў машыну і літаральна панесліся ў Гудагай.

Гудагай – населены пункт на мяжы з Літвой. Таму людзі ў форме на ўваходзе ў школу не выклікалі здзіўлення. Тым больш, што гэтымі людзьмі былі самі школьнікі – адзінаццацікласнікі. Чаму ў форме? Бо клас прававы (чытай “кадэтскі”). Акрамя такога спецкласу ў школе яшчэ ёсць педагагічны дзясяты.

Школьнікі паспявалі перад гасцямі, затым сумесна з ужо ўзгаданым намеснікам паказалі прэзентацыю, затым пачалі спяваць самі госці. Зразумела, што па праўдзе яны не спявалі, а проста гаварылі. Але часам і простыя словы гучаць, быццам спеў, калі ліюцца з сэрца. На гэтых спевах дзеянні ў актавай зале завяршыліся, і ўсе перайшлі ў музей.

Экскурсія па музею была цудоўнай, сярод беларускіх грошай-зайчыкаў чамусьці адсутнічаў 25-рублёвы лось. Праграма завяршылася спектаклем пра жыццё простых беларусаў у часы маслабоек і карамыслаў.

Святлана, Кацярына і Дзмітрый пакінулі допісы ў спецыяльным для дадзеных проб пяра журнале і разыйшліся па сваіх аўдыторыях. Святлане дастаўся прававы клас. Дзмітрыю – педагагічны. Кацярыне – сярэднія класы без спецыяльнага назначэння. Размовы, гутаркі, агітацыі праходзілі за закрытымі дзвярыма, але калі дзверы расчыняліся, то калідор напаўняўся паветрам шчырасці і дабрыні.

Засядзецца ў школе не дазволілі. Дырэктар школы, Капцюг Ганна Мечыславаўна, і яе вышэй узгаданы намеснік пасадзілі прадстаўнікоў дзяржаўных СМІ ў транспарт і павезлі ў Гярвяты. А там палац. Сапраўдны палац, як у еўрапейскіх фільмах. Штосьці накшталт Хогварца. Толькі там не вучаць магіі, а вядуць гутаркі з Богам. Гярвяцкі касцёл уразіў усіх і ўсім. І настолькі, што сколькі б слоў тут не было пра гэты цуд, лепш яго ўсё ж такі пабачыць, бо няма слоў-адпаведнікаў для фенаменальнага.

З Гярвятаў падарожнікі вярнуліся ў Астравец. Наведалі Інфармацыйны цэнтр АЭС. Дзе Свірыд Эдуард Іванавіч пазнаёміў іх з асноўнай інфармацыяй па пытанням бяспечнасці ці небяспечнасці атамнай энергіі. Зрабіў ён гэта займальна і наглядна. Госці нават паверылі, але ў Астравец пераехаць жыць не пагадзіліся, бо іх чакаў іх Мінск.

У Мінск прыехалі вечарам. Вылезлі на станцыі метро Пушкінская і разыйшліся па электрацягніках. Падарожжа засталося ва ўспамінах на палічках “казачнае”.

 

 Дзмітрый Шулюк

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.