Вы тут

Лукашэнка і Назарбаеў абмеркавалі праблемныя пытанні ў ЕАЭС


Тэлефонная размова Прэзідэнта Беларусі Аляксандра Лукашэнкі з Прэзідэнтам Казахстана Нурсултанам Назарбаевым адбылася 20 лютага па ініцыятыве казахстанскага боку, паведаміла прэс-служба беларускага лідара.


Адной з галоўных тэм сталі адносіны ў Еўразійскім эканамічным саюзе. Бакі выказалі ўзаемную занепакоенасць у сувязі з існуючымі праблемамі.

Прэзідэнт Казахстана выказаў заклапочанасць праблемнымі пытаннямі ў адносінах Расійскай Федэрацыі і Рэспублікі Беларусь. Пры гэтым ён упэўнены, што ўсе існуючыя праблемы будуць вырашаны ўнутры саюза.

Акрамя таго, Нурсултан Назарбаеў распавёў кіраўніку беларускай дзяржавы аб праблемах паміж Казахстанам і Кыргызстанам і шляхах іх вырашэння.

Бакі абмеркавалі ўвесь комплекс беларуска-казахстанскіх адносін. Нурсултан Назарбаеў запрасіў Аляксандра Лукашэнку ўзяць удзел у саміце Шанхайскай арганізацыі супрацоўніцтва летам бягучага года, а таксама наведаць выставу «ЭКСПА-2017» у Астане, дзе будзе працаваць і нацыянальная экспазіцыя Беларусі.

Прэзідэнты зноў пацвердзілі рашучасць ва ўмацаванні саюзніцкіх адносін.

* * *

Як паведамілі ў прэс-службе Прэзідэнта Беларусі, гэты тыдзень кіраўнік дзяржавы Аляксандр Лукашэнка правядзе ў Сочы.

Загаловак у газеце: Саюзніцкія адносіны

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».