Беларусь з-за недапаставак нафты з Расіі страціла ў студзені 1,5% ВУП. Пра гэта заявіў сёння прэм'ер-міністр Андрэй Кабякоў на пасяджэнні Прэзідыума Савета Міністраў, дзе абмяркоўваліся вынікі сацыяльна-эканамічнага развіцця Беларусі ў студзені 2017 года і меры па выхаду на станоўчую дынаміку росту эканомікі ў I квартале.
"Належнага выніку мы пакуль не атрымалі. Удакладненыя лічбы ВУП па студзені - 99,5% да студзеня 2016 года пры прагнозе, зацверджаным урадам на першы квартал, 99,6%. Адстаем на 0,1%", - сказаў Андрэй Кабякоў.
Асноўная прычына, што ВУП менш, чым у студзені 2016 года, - недапастаўка нафты з Расіі. "Мы перапрацавалі ў студзені нафты на 0,8 млн тон менш, чым год таму назад. За кошт гэтага фактару страцілі 3,3 працэнтнага пункта ў прамысловасці, 4,5 працэнтнага пункта - у аптовым гандлі. У выніку мы страцілі 1,5% ВУП. Гэта значыць пры пастаўцы нафты на ўзроўні мінулага года ВУП быў бы 101%, - звярнуў увагу прэм'ер-міністр. - Не буду ўдавацца ў прычыны, але кампенсаваць такі адчувальны фактар у студзені пакуль мы не змаглі, хоць гэтым прадметна займаемся".
Тым не менш, як адзначыў кіраўнік урада, сітуацыя ў прамысловасці выпраўляецца. Дынаміка мінулага года і студзеня 2017 года гэта пацвярджае (тэмп росту прамысловай вытворчасці ў студзені - 105,9%).
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
