Вы тут

Узроставая макулярная дэгенерацыя — прычына парушэння зроку пасля 50


У групе рызыкі — найперш жанчыны, людзі, у каго падобную праблему мелі блізкія сваякі, тыя, хто курыць і злоўжывае алкаголем, мае лішнюю вагу, падвяргаецца павышанаму сонечнаму абпраменьванню, перанёс хірургічную аперацыю на вачах і пакутуе ад сардэчна-сасудзістага захворвання.


Наогул, праблема хаваецца ў пашкоджанні сінім святлом макулы, якая адказвае за вастрыню зроку і адчуванне колеру. Затрымліваюць святло і такім чынам забяспечваюць антыаксідантную абарону лютэін і зеаксанцін, якія мы атрымліваем з ежай і якія назапашваюцца ў макуле. Аднак з узростам канцэнтрацыя лютэіну зніжаецца. Замежныя даследаванні паказалі эфектыўнасць біялагічна актыўных дабавак, якія змяшчаюць лютэін і зеаксанцін, у прафілактыцы і зніжэнні рызыкі макулярнай дэгенерацыі.

— «Сухая» форма захворвання працякае менш цяжка і развіваецца паступова — у адрозненне ад «вільготнай», але ў любым выніку вастрыня зроку зніжаецца, — тлумачыць урач-афтальмолаг 13-й гарадской паліклінікі Мінска Юлія РЫЖЭЎСКАЯ. — Пры «вільготнай» форме ў сятчатцы з'яўляюцца новыя сасуды, якія маюць тонкую сценку. З іх у сятчатку пачынае прасочвацца плазма крыві, з'яўляюцца кровазліцці. Яны сціскаюць і пашкоджваюць сятчатку, зніжаюць вастрыню зроку і выклікаюць утварэнне рубцоў, што прыводзіць да незваротнай страты зроку. Пацыент можа пры гэтым бачыць у цэнтры поля нерухомую цёмную пляму, або прадметы стануць хвалістымі.

Пры «сухой» форме спатрэбіцца антыаксідантная абарона макулы, а пры «вільготнай» — фотадынамічная тэрапія, лазерная каагуляцыя, увядзенне спецыяльных прэпаратаў. Дабіцца лепшага выніку лячэння ўдасца, калі вастрыня зроку будзе яшчэ не ніжэй 3—5 радкоў.

Святлана Барысенка

protas@zviazda.by

Загаловак у газеце: Калі прадметы здаюцца хвалістымі...

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.