23 студзеня, аўторак

Вы тут

Распачаўся творчы конкурс юных чытальнікаў «Жывая класіка»


Вучні розных школ чыталі вершы беларускіх паэтаў пра родную мову, пра Мінск і Полацк. Афіцыйныя асобы былі асабліва натхнёныя і ўзрушаныя. Менавіта так, у цёплай і ўтульнай атмасферы свята, стартаваў конкурс «Жывая класіка». Яго заснавальнікамі сталі Міністэрства інфармацыі, Міністэрства адукацыі, Саюз пісьменнікаў Беларусі і Сталічнае тэлебачанне.


Конкурс, што мае на мэце прыцягнуць увагу грамадскасці да праблематыкі чытання, пашырыць кругагляд чытачоў, падтрымліваць таленавітую моладзь, будзе доўжыцца да верасня і пройдзе ў некалькі этапаў: ад школьнага да рэспубліканскага.

— Развіццё ў дзяцей цікавасці да слова, найлепшых узораў беларускай літаратуры сёння павінна стаць клопатам дарослых. Таму што чытанне — развіццё асобы, спасціжэнне назапашанага ў кнігах вопыту, канкурэнтаздольнасць у нашым бурлівым інфармацыйным свеце, — заўважыла міністр інфармацыі Лілія АНАНІЧ. — Трэба шукаць новыя формы работы з дзецьмі і бацькамі. Мы бачым, што ў краіне выдаецца многа добра аформленых кніг, яны з'яўляюцца на паліцах кнігарняў. сёлета, калі мы адзначаем 500-годдзе беларускага кнігадрукавання, надзвычай актуальна гучыць радок з Францыска Скарыны «Найлепшыя скарбы — чалавечыя словы».

Міністр інфармацыі прыгадала, што калі вучылася ў 9-м класе, сама ўдзельнічала ў рэспубліканскім конкурсе юных чытальнікаў. Нават мае грамату за найлепшае чытанне верша пра Янку Купалу.

— Думаю, што і для ўдзельнікаў конкурсу «Жывая класіка» гэтае спаборніцтва стане ўражаннем на ўсё жыццё, — сказала Лілія Ананіч.

— Конкурс «Жывая класіка» — сапраўднае свята, якое павінна даць пачатак творчаму ўзлёту нашай моладзі, — лічыць міністр адукацыі Ігар КАРПЕНКА. — Адметна, што яго вынікі будуць падведзеныя ў Полацку падчас Дня беларускага пісьменства і святкавання 500-годдзя нашага кнігадрукавання. Сімвалічна, што Полацк сёлета вызначаны маладзёжнай сталіцай Беларусі.

Так, найлепшыя чытальнікі з усёй краіны стануць удзельнікамі вялікага рэспубліканскага свята, а пераможцы конкурсу «Жывая класіка» ў ліку іншых падарункаў атрымаюць пуцёўкі ў Нацыянальны лагер «Зубраня».

Марына ВЕСЯЛУХА

vesіaluha@zvіazda.by

Фота Надзеі БУЖАН

Загаловак у газеце: Ствараем сябе — праз чытанне

Дадаць каментар

Выбар рэдакцыі

Эканоміка

Грошы: захаваць і прымножыць

Грошы: захаваць і прымножыць

Рана ці позна кожны з нас разумее, што неабходна мець нейкі запас фінансавых сродкаў.

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?