Вы тут

6 сакавіка Белпошта падорыць кліентам віншавальныя паштоўкі


Стала добрай традыцыяй у Мінскім філіяле Белпошты напярэдадні свят ладзіць разнастайныя акцыі для кліентаў. Напрыклад, у аддзяленнях паштовай сувязі Барысаў-5 па вуліцы Працы, 5, Дзяржынск-2 (вуліца Талстога, 4), Слуцк-9 (вуліца М. Багдановіча, 2), Салігорск-7 (вуліца Казлова, 31) пры набыцці 6 сакавіка прадукцыі на пэўную суму кліент атрымае ў падарунак дзве віншавальныя паштоўкі.


— Гэтае прома-мерапрыемства мы назвалі «Вясенні настрой». Яно стане добрай нагодай павіншаваць родных і блізкіх са святам, знамянальнай падзеяй у іх жыцці, напісаць на паштоўках у іх адрас цёплыя і пяшчотныя словы. Падчас мерапрыемства спецыялісты раскажуць кліентам аб магчымасцях перасылкі адпраўленняў паскоранай поштай EMS Belpost, — растлумачыла начальнік аддзела маркетынгу і прасоўвання паслуг філіяла Валянціна Есіповіч.

Акрамя таго, прапануецца акцыя і ад паштовага інтэрнэт-магазіна «Перасылка — у падарунак!». Толькі 1 сакавіка пры афармленні заказу на любую суму наведвальнік атрымае 100-працэнтную зніжку на яго перасылку да аддзялення паштовай сувязі па месцы жыхарства.

— Заўсёды даступная і актуальная інфармацыя з лепшымі цанавымі прапановамі ёсць у раздзелах: зніжкі, навінкі і хіты продажу. Аформіць заказ можна ў любым аддзяленні Белпошты, на сайце shop.belpost.by або па тэлефоне 8017 220-56-32 з дастаўкай па ўсёй краіне. Аплаціць тавар можна рознымі спосабамі: банкаўскай карткай, карткай растэрміноўкі «Халва», пры афармленні заказу ў аддзяленні паштовай сувязі або пры атрыманні — гатоўкай, — запрашае Валянціна Есіповіч.

Таццяна ЛАЗОЎСКАЯ

lazovskaya@zviazda.by

Загаловак у газеце: Вясенні настрой ад паштавікоў

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».