Папулярны тэлепраект, які ўжо больш як 5 гадоў дапамагае аўтааматарам лепш зразумець і наладзіць стасункі з іншымі вадзіцелямі, ДАІ, пешаходамі і ўласнымі машынамі, абнавіў фармат.
Так, у новым тэлесезоне склад вядучых — экспертаў праграмы папоўнілі Павел Казлоўскі, журналіст і аўтааматар са стажам, які з поўным веданнем справы выпрабоўвае розныя маркі аўто ў рубрыцы «Тэст-драйв», і Уладзіслаў Радзюкоў — вопытны вадзіцель і смелы выпрабавальнік рубрыкі «Эксперымент», дзе машыны тушаць, утылізуюць, выстаўляюць супраць эвакуатара і г.д.
Акрамя таго, «Каробка перадач» па-ранейшаму кожную нядзелю адказвае на пытанні гледачоў з дапамогай інспектара ДАІ, дае карысныя парады па выбары, рамонце і доглядзе аўто, знаёміць аўдыторыю з незвычайнымі ўзорамі аўта- і мотатэхнікі... «У новым сезоне сумна дакладна не будзе як кіроўцам са стажам, так і тым, хто толькі збіраецца атрымаць правы», — запэўніваюць стваральнікі праграмы.
Вікторыя ЗАХАРАВА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
