Вы тут

Як зрабіць губы прывабнымі ў любую непагадзь?


Зімой нашы вусны трэскаюцца, абветрываюцца, лушчацца...

Для ўвільгатнення, сілкавання і аховы вуснаў цудоўна падыходзяць дамашнія рэцэпты на аснове мёду, тварагу, алею, бананаў, морквы, яблыкаў і авакада, а таксама маскі для сухой і адчувальнай скуры твару, у складзе якіх няма актыўных адлушчвальных кампанентаў.


* Свежы мёд змяшайце са сланечнікавым або аліўкавым алеем (у роўных частках) і змазвайце вусны за паўгадзіны да сну. Не змывайце! Маска цудоўна аднаўляе адчувальную скуру.

* Змяшайце тлусты тварог з невялікай колькасцю вяршкоў, нанясіце на вусны і пакіньце на 10 хвілін пад цёплым вільготным кампрэсам з марлі або тонкай тканіны. Выдатна разгладжвае маршчыны і надае вуснам свежасць.

* Пры перасыханні і лёгкім лушчэнні вуснаў рабіце маску з тварагу і маркоўнага соку (па 1 ч. л.).

* Загаіць дробныя трэшчынкі дапаможа дзёрты зялёны яблык з 1 ч. л.
сметанковага масла. Намажце вусны тоўстым слоем, праз 15—30 хвілін здыміце маску ватным тампонам і нанясіце крэм з вітамінамі А і Е.

* Калі вуснам патрэбна «хуткая дапамога»: змяшайце па 1 ч. л. агурочнага і маркоўнага соку, па 0,5 ч. л. мёду, вельмі тлустай смятаны і аліўкавага алею. Нанясіце тоўстым слоем на 15—20 хвілін, змыйце цёплай вадой і змажце вусны касторавым алеем.

Асцерагайцеся стойкай памады

Калі карыстацца такой памадай штодзень, ёсць рызыка моцна высушыць вусны.

Увогуле, перад нанясеннем любой памады змажце вусны засцерагальным або пажыўным крэмам, і яна не будзе скочвацца. Цяпер прамакніце нафарбаваныя вусны сурвэткай, злёгку іх прыпудрыце і зноў нафарбуйце. Вашы губкі будуць прывабнымі.

Дэталі

Падчас выбару касметыкі для вуснаў звяртайце ўвагу на яе кампаненты:

Алей шы (карытэ) выдатна змякчае і сілкуе, засцерагае ад страты вільгаці, а какава-масла сілкуе і танізуе.

Экстракт або сок алоэ ўвільгатняе, аказвае супрацьзапаленчае дзеянне, экстракт або алей абляпіхі загойвае.

Гіялуронавая кіслата перашкаджае страце вільгаці.

Вітамін А дзейнічае як антыаксідант, вітамін С садзейнічае выпрацоўцы калагену, які адказвае за пругкасць і падцягнутасць скуры, а вітамін Е дапамагае рэгенерацыі клетак.

Пептыды ўзмацняюць дзеянне калагену і гіялуронавай кіслаты, павышаюць эластычнасць скуры і ўвільгатняюць.

Калаген узмацняе сінтэз уласнага калагену і запавольвае старэнне вуснаў.

Загаловак у газеце: Губкі банцікам

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.