Вы тут

Падчас зімовага пасяджэння ПА АБСЕ адбылася прэзентацыя нашай краіны


Учора парламенцкая дэлегацыя Беларусі на чале з намеснікам старшыні Палаты прадстаўнікоў Нацыянальнага сходу Баляславам ПІРШТУКОМ завяршыла ўдзел у зімовым пасяджэнні Парламенцкай асамблеі АБСЕ. Яно праходзіла ў сталіцы Аўстрыі Вене з 23 па 24 лютага.


Адна з найважнейшых для нас падзей на гэтым мерапрыемстве — прэзентацыя Беларусі ў якасці краіны правядзення 26-й штогадовай сесіі Парламенцкай асамблеі АБСЕ. Яна будзе праходзіць у Мінску з 5 па 9 ліпеня бягучага года. Асноўная тэма — «Умацаванне ўзаемнага даверу і супрацоўніцтва ў імя міру і працвітання ў рэгіёне АБСЕ».

На стэндзе, які арганізаваў Нацыянальны сход Беларусі, размешчаны лістоўкі з агульнай інфармацыяй пра будучую сесію, пра нашы атэлі, пра краіну, яе эканамічны і турыстычны патэнцыял. Ёсць прэзентацыйная прадукцыя прадпрыемстваў — брэндаў Беларусі.

Што да самога зімовага пасяджэння ПА АБСЕ, то, як паведамляе прэс-служба ніжняй палаты, Баляслаў Пірштук прыняў удзел у пасяджэнні Пастаяннага камітэта арганізацыі. Сярод іншага, там была агучана інфармацыя аб падрыхтоўцы маючых адбыцца сёлета мерапрыемстваў ПА АБСЕ.

На пасяджэнні Агульнага камітэта ПА АБСЕ па эканамічных пытаннях, навуцы, тэхналогіі і навакольным асяроддзі адбылося выступленне старшыні Пастаяннай камісіі Палаты прадстаўнікоў па міжнародных справах Нацыянальнага сходу Беларусі Валерыя ВАРАНЕЦКАГА на тэму «Кіраванне прыроднымі рэсурсамі: рашэнне праблем воднай бяспекі і барацьба са зменай клімату». Валерый Варанецкі адзначыў важную ролю, якую адыгрывае Беларусь у агульнаеўрапейскіх маштабах у справе захавання водна-балотных угоддзяў, падкрэсліўшы, што беларускія балоты называюць «лёгкімі» Еўропы. Ён таксама звярнуў увагу замежных калег на яшчэ адно ўнікальнае багацце нашай краіны — значныя запасы прэсных падземных водаў, якія экспертамі прызнаюцца аднымі з найлепшых у свеце.

Падчас зімовай сесіі нашы дэлегаты правялі сустрэчы з кіраўніцтвам ПА АБСЕ і сваімі калегамі — парламентарыямі краін — удзельніц арганізацыі.

Надзея ЮШКЕВІЧ

yushkevich@zviazda.by

Фо­та прэс-служ­бы Па­ла­ты прад­стаў­ні­коў

Загаловак у газеце: Паказаць сябе

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.