Пра гэта заявіў галоўны рэдактар газеты "СБ. Беларусь сегодня" Павел Якубовіч падчас тэлепраграмы "Клуб рэдактараў" у суботнім эфіры канала "Беларусь 1".
"Спрабуюць гэтую тэму палітызаваць, хоць гаворка ідзе пра даволі частую гарадскую "балячку": з'явіўся кавалачак тэрыторыі - будуюць чарговы бізнес-цэнтр", - сказаў Павел Якубовіч.
Пры гэтым асобныя карэспандэнты, паводле яго слоў, напружваць сітуацыю, перадаюць інфармацыю з месца падзей, як "з поля бою". "Там ёсць жаданне "развесці касцёр" і трохі падсмажыць атмасферу", - адзначыў галоўны рэдактар "СБ".
На яго думку, Мінск павінен будавацца, расці, павінны ўзводзіцца шматпавярховыя будынкі, але разам з гэтым горад не трэба ператвараць у каменныя джунглі.
Што тычыцца саміх Курапатаў, то, па словах Паўла Якубовіча, прыйшоў час разумення: Курапаты - гэта месца смутку. "Там павінен быць мемарыял, які аб'ядноўвае ўсіх беларусаў", - падсумаваў галоўны рэдактар "СБ".
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
