Нацыянальны статыстычны камітэт правёў выбарачнае даследаванне дамашніх гаспадарак. Вынікі паказалі, што фактычны ўзровень беспрацоўя за мінулы год склаў 5,8 працэнта ад эканамічна актыўнага насельніцтва.
На канец студзеня 2017 года ў краіне было зарэгістравана 39,9 тысячы грамадзян без работы. Дзве траціны з іх — мужчыны. Амаль чвэрць — асобы ва ўзросце да 30 гадоў. Вяскоўцаў сярод беспрацоўных налічвалася каля 16 працэнтаў. У агульнай колькасці незанятых беларусаў 29 працэнтаў складаюць тыя, хто сышоў з прадпрыемства па ўласным жаданні і пагадненні бакоў, амаль 4 працэнты — звольненыя за парушэнне працоўнай дысцыпліны, 2,4 працэнта — вызваленыя пры ліквідацыі арганізацыі ці скарачэнні колькасці. Узровень занятасці насельніцтва за мінулы год — 66,7 працэнта (у 2015-м гэты паказчык быў 68,1 працэнта). У працаздольным узросце (мужчыны — 16—59 гадоў, жанчыны — 16—54) узровень занятасці склаў амаль 81 працэнт. Максімальная доля працуючых (90 працэнтаў) налічвалася ва ўзроставай групе 40—44 гады.
Усяго ў эканоміцы Беларусі на пачатак 2017 года было занята 4 мільёны 367 тысяч чалавек.
Наталля ЛУБНЕЎСКАЯ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
