Учора ў Палацы Незалежнасці адбылася сустрэча Прэзідэнта нашай краіны Аляксандра ЛУКАШЭНКІ і Прэзідэнта Грузіі Гіоргія Маргвелашвілі.
Нагадаем, напярэдадні кіраўнікі дзяржаў правялі афіцыйныя перамовы, у ходзе якіх бакі пацвердзілі зацікаўленасць ва ўмацаванні беларуска-грузінскага ўзаемадзеяння на ўсіх узроўнях і ва ўсіх сферах, што ўяўляюць узаемную цікавасць.
* * *
Учора таксама адбылася сустрэча Гіоргія Маргвелашвілі і Андрэя КАБЯКОВА, прэм'ер-міністра нашай краіны. На думку кіраўніка Саўміна, Беларусь і Грузія павінны пашыраць наменклатуру ўзаемных паставак. «Мы будзем надзвычай радыя магчымасці пастаўкі большай наменклатуры, большай колькасці прадукцыі. І мы зацікаўлены ў прадукцыі нашых грузінскіх партнёраў, многае з таго, што вы робіце, немагчыма вырабляць у нас у сілу кліматычных умоў. Будзем радыя, калі мы намецім сумесныя планы не толькі па простым тавараабмене, але і па ўзаемных інвестыцыях — мы гатовыя да абмеркавання і гэтых пытанняў», — адзначыў беларускі прэм'ер.
Андрэй Кабякоў лічыць, што Грузіі, акрамя агучаных прэзідэнтамі прапаноў па супрацоўніцтве, будзе цікавы беларускі вопыт і ў сферы генеральнага планавання гарадскога і рэгіянальнага развіцця, арганізацыі руху грамадскага транспарту, работы камунальных службаў. «Пад гэты і іншыя праекты гатовыя забяспечыць пастаўкі сучаснай пасажырскай і камунальнай тэхнікі», — адзначыў ён.
Значны патэнцыял прэм'ер-міністр бачыць і ў выкарыстанні інфраструктуры тэхнапаркаў Рэспублікі Беларусь і Грузіі для прасоўвання сумесных навуковых праектаў, развіцця інавацыйнага прадпрымальніцтва і падрыхтоўкі ІT-спецыялістаў. «Упэўнены, што сумеснымі намаганнямі мы зможам забяспечыць выхад нашых адносін на якасна новы ўзровень», — рэзюмаваў Андрэй Кабякоў.
Надзея ЮШКЕВІЧ
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.