Сёння ў беларускай сталіцы, на Кастрычніцкай плошчы, адбыўся ўрачысты марш, прысвечаны стагоддзю заснавання беларускай міліцыі. Акрамя таго, што само па сабе мерапрыемства ўнікальнае не толькі для Беларусі, але і ўсяго свету, у ім упершыню ўзялі ўдзел дзяўчаты-курсанткі з Акадэміі Міністэрства ўнутраных спраў. Для іх гэта стала не толькі нагодай для гонару, але і магчымасцю палепшыць фігуру. За пяць месяцаў трэніровак яны пахудзелі хто на чатыры, а хто і на восем кілаграм!
"Нi адна паліцэйская структура свету такога мерапрыемства не праводзіла: у такім маштабе, каб удзельнічалі ўсе падраздзяленні міністэрства ўнутраных спраў. Гэта зрабілі толькі мы. Урачысты марш, які атрымаўся амаль як ваенны парад, пераканаў усіх у тым, што страявая зладжанасць - адлюстраванне баявой зладжанасці, якая ёсць у міліцыі,"- расказаў Юрый Караеў, намеснік Міністра ўнутраных спраў, камандуючы ўнутранымі войскамі.
Не горш за мужчын гэта пацвердзілі і прадстаўніцы слабога полу. Па словах Юрыя Караева, курсанткі ў вольны час падлічылі, што ўсяго адбылося 48 трэніровак, падчас кожнай з якіх яны прайшлі ад 5 да 8 кіламетраў, з іх траціна - страявым крокам. У цэлым - каля 300 кіламетраў.
Падрыхтоўку да маршу дзяўчаты пачалі яшчэ ў кастрычніку. Па два разы на дзень адпрацоўвалі прыёмы страявой падрыхтоўкі. У Акадэміі Міністэрства ўнутраных спраў іх навучаецца няшмат, таму ў камандны разлік трапіў амаль увесь асабісты склад жанчын. Як прызналася карэспандэнту "Звязды" камандзір жаночага зводнага параднага разліку, выкладчык Акадэміі МУС, падпалкоўнік міліцыі Алена Абрамовіч, падрыхтоўка для дзяўчат і хлопцаў нічым не адрозніваецца.
"Нашых дзяўчат упершыню запрасілі паўдзельнічаць у парадзе і падрыхтоўцы да яго. Напачатку мы трэніраваліся асобна ад хлопцаў і, вядома, у дзяўчат была невялікая няўпэўненасць. Але ўжо на першых сумесных трэніроўках, калі яны пабачылі, што ў іх атрымліваецца не горш, чым у рабят, курсантак дужа гэта натхніла. Насамрэч дзяўчат хацелі паказаць, на што яны здольныя. Паверце, для кожнай з нас гэта вялікі гонар".
Усяго ў маршы ўзяло ўдзел больш за 1200 удзельнікаў і 46 адзінак тэхнікі. Сярод пешай калоны былі разлікі ўнутраных войскаў Міністэрства ўнутраных спраў і Акадэміі МУС, аўтамабільнай інспекцыі, дэпартамента аховы міністэрства і нават спецыялістаў-кінолагаў са службовымі сабакамі. Што тычыцца аўтамабільнай калоны, то спачатку праехаў разлік рэтратэхнікі - аўтамабілі мінулага стагодзя, а затым і сучасныя машыны.
Вераніка ПУСТАВІТ
Фота БЕЛТА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
