Вы тут

Міністр антыманапольнага рэгулявання і гандлю расказаў пра навацыі


Сёлета спыняць практыку падпісання пагадненняў паміж канцэрнамі і Міністэрствам гандлю на пастаўку тавараў. “Мы павінны стварыць роўныя ўмовы і выключыць практыку лабіравання інтарэсаў прадпрыемстваў”, — адзначыў Міністр антыманапольнага рэгулявання і гандлю Рэспублікі Беларусь Уладзімір КАЛТОВІЧ на міжнароднай навукова-практычнай канферэнцыі “Сучасныя механізмы функцыянавання гандлёвага бізнесу і турыстычнай індустрыі: рэальнасць і перспектывы”, якая прайшла ў БДЭУ.


Фота: utmagazine.ru

Міністр звярнуў увагу на тое, што цяпер асноўная задача — аднаўленне культуры разумення добрасумленнай канкурэнцыі. “Мы ставім сабе задачы, каб усе дакументы, якія праходзяць, — рашэнні, пастановы, указы, законы — адпавядалі прынцыпам і нормам канкурэнтнага права”. Дзяржаўная падтрымка не павінна ўплываць на баланс сіл на рынку. Інакш інвестыцыі ў малы і сярэдні бізнес становяцца бесперспектыўнымі. Неабходна вызначыць асноўны прынцып: увядзенне забароны на абмежаванні, якія ствараюць дыскрымінацыйныя ўмовы, і на неабгрунтаванае ўмяшанне ў вольнае функцыянаванне таварных рынкаў, выданне актаў ці рашэннях, якія супярэчаць прынцыпам антыманапольнага заканадаўства.

За апошнія паўгады працы былі ўнесены змены ў больш чым 700 нарматыўна-прававых актаў, падрыхтаваны праект змяненняў у законе аб супрацьдзеянні манапалістычнай дзейнасці і развіцці канкурэнцыі. Цяпер ён знаходзіцца на разглядзе ў Палаце прадстаўнікоў. Адна з навінак гэтага года — стварэнне праграмы развіцця канкурэнцыі ў нашай краіне. Гэта азначае напісанне “дарожных карт” па кожнай галіне, каб правесці рэвізію і аптымізацыю рашэнняў, прынятыя на ўсіх узроўнях улады.

Уладзімір Калтовіч расказаў і пра новую спецыяльнасць, якая адкрыецца з першага верасня ў магістратуры БДЭУ, — “Эканамічнае і антыманапольнае рэгуляванне”. Зараз у міністэрстве знаходзяцца 14 чалавек на практыцы, частка з іх зможа атрымаць пасле яе працу і адначасова працягнуць навучанне на другой ступені вышэйшай адукацыі. 

Прарэктар па навуковай рабоце Беларускага дзяржаўнага эканамічнага ўніверсітэта Генадзь КАРАЛЁНАК расказаў, што ў год навукі ўсе факультэты гэтага ВНУ праводзяць мерапрыемствы па пашырэнню навуковых даследаванняў. У канферэнцыі, якая прайшла на гэтым тыдні, удзельнічалі каля 150 маладых навукоўцаў, у тым ліку з Расіі, Украіны, Эстоніі і Італіі. “Сёння без навукі практычна немагчыма рыхтаваць спецыялістаў. Неабходна, каб студэнты вывучалі самастойна многія прадметы, удзельнічалі ў навуковых даследаваннях, таму што гэта будучы інтэлект нацыі. Мы павінны падрыхтаваць студэнтаў для працы ў новых умовах гаспадарання”.

Надзея АНІСОВІЧ

аnіsоvісh@zvіаzdа.bу

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.