Вы тут

У Мінску 12 сакавіка пройдзе паказ кароткаметражных фільмаў дзяцей


У Мінску пройдзе паказ кароткаметражак, знятых дзецьмі. Як паведамілі ў школе архітэктурнага мыслення для дзяцей, якая арганізуе кінапаказ кароткаметражных фільмаў "4 элементы", гледачоў чакаюць 12 сакавіка.


Фота: privet-rostov.ru

Работы маленькіх рэжысёраў, акцёраў, сцэнарыстаў даюць магчымасць акунуцца ў свет кінамастацтва, створаны дзіцячым уяўленнем. Кінапаказ уключае работы дзяцей 6-11 гадоў, выкананыя ў час навучання па праграме школы. Яны падзеляцца ўражаннямі ад здымак дэбютных карцін і адкажуць на пытанні.

На працягу 14 заняткаў вывучаліся розныя дысцыпліны: акцёрскае майстэрства, фатаграфія, кінамастацтва, плакат і інш. Дзеці шылі касцюмы, стваралі дэкарацыі, удзельнічалі ў здымках на ўсіх стадыях ад рэпетыцый здымак да агучкі і мантажу. Цяпер дэбютанты будуць чакаць ацэнкі гасцей і кінакрытыкаў, на паказ запрошаны загадчыца аддзела экранных мастацтваў філіяла "Інстытут мастацтвазнаўства, этнаграфіі і фальклору імя Кандрата Крапівы" Цэнтра даследаванняў беларускай культуры, мовы і літаратуры НАН, кандыдат мастацтвазнаўства, дацэнт Антаніна Карпілава і дацэнт, кандыдат мастацтвазнаўства, старшы навуковы супрацоўнік гэтага ж аддзела Наталля Агафонава.

Госці ўбачаць таксама прэзентацыю вынікаў работы за чвэрць, плакаты вучняў, створаныя для фільмаў, змогуць паўдзельнічаць у абмеркаванні кінакарцін.

Школа архітэктурнага мыслення для дзяцей - адукацыйны праект, заснаваны летам 2016 года. Праграма навучання мультыдысцыплінарная.

Паказ пройдзе на пляцоўцы Event Space (вул.Кастрычніцкая, 16А). Уваход свабодны.

БЕЛТА

Выбар рэдакцыі

Палітыка

Лукашэнка: Мы поўныя рашучасці рэалізаваць усе дамоўленасці з Суданам

Лукашэнка: Мы поўныя рашучасці рэалізаваць усе дамоўленасці з Суданам

У Беларусі праходзіць афіцыйны візіт Прэзідэнта Рэспублікі Судан.

Грамадства

Як партызанскі і падпольны друк трапляў да чытачоў

Як партызанскі і падпольны друк трапляў да чытачоў

Неабходна было даць адпор ворагу на ідэалагічнай ніве.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра ядомае і вядомае.