23 Люты, пятніца

Вы тут

Пасольства Украіны ў Беларусі перадасць літаратуру на філфак БДУ


Звыш як 140 выданняў папоўняць вучэбную бібліятэку кабінета ўкраінскай філалогіі філалагічнага факультэта БДУ. Гэта літаратура будзе актыўна выкарыстоўвацца ў навучанні студэнтаў спецыяльнасці  “Славянская (ўкраінская) філалогія”. У цяперашні час па ёй  навучаюцца студэнты на першым і чацвёртым курсах. Усяго адбыліся тры выпускі украіністаў. Таксама ў вобласці ўкраіністыкі на філалагічным факультэце абаронены дзве дысертацыі — адна па старажытнаўкраінскай літаратуры, а другая — па мове.


Фота: dpchas.com.ua

У цырымоніі, якая адбудзецца 10 сакавіка ў 11.00,  плануюць прыняць удзел прарэктар БДУ па вучэбнай рабоце Сяргей Ходзін, дэкан філалагічнага факультэта Іван Роўда, часовы павераны ў справах Украіны ў нашай краіне Валерый Джыгун, першы сакратар амбасады Украіны Марыя Гуцала, а таксама студэнты і выкладчыкі ўніверсітэта.

Завершыцца мерапрыемства літаратурнай праграмай, у якой прагучаць у выкананні студэнтаў вершы Тараса Шаўчэнкі і іншых украінскіх паэтаў.

Варта адзначыць, што Пасольства Украіны ў Беларусі актыўна супрацоўнічае з філалагічным факультэтам БДУ. У прыватнасці, пры яго падтрымцы адкрыты і абсталяваны мультымедыйнай тэхнікай кабінет украінскай філалогіі, а ў БДУ рэгулярна запрашаюцца пісьменнікі і творчыя дзеячы Украіны.

Надзея НІКАЛАЕВА

Дадаць каментар

Выбар рэдакцыі

Палітыка

«Народны абраннік — гэта як рака паміж двума берагамі»

«Народны абраннік — гэта як рака паміж двума берагамі»

Пра асаблівасці дэпутацкай дзейнасці, працу з насельніцтвам і творчы настрой.

Грамадства

У госці да беларусачкі

У госці да беларусачкі

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...

Грамадства

Вандроўка ў Беніцу

Вандроўка ў Беніцу

Дзе знаходзіцца касцёл пачатку ХVІІІ стагоддзя.