22 кастрычніка, чацвер

Вы тут

Пачаўся творчы фестываль «Францыск Скарына – друкар, мысляр, творца»


Ён праводзіцца ў гонар 500-годдзя беларускага кнігадрукавання. Фестываль дае магчымасць дашкольнікам, вучням, навучэнцам сярэдніх спецыяльных навучальных устаноў і ўсім жадаючым творча інтэрпрэтаваць гісторыка-культурную спадчыну нашага народа. 


Зрабіць гэта можна на інтэрнэт-рэсурсе olimp.unibel.by, старонках нацыянальнага адукацыйнага партала, а таксама на афіцыйных старонках нацыянальнага адукацыйнага партала ў сацыяльных сетках Facebook, «ВКонтакте». Там жа будзе размяшчацца інфармацыя аб мерапрыемстве і ходзе яго правядзення.

Дыстанцыйны этап доўжыцца з 6 сакавіка па 7 мая 2017 года. Падвядзенне вынікаў і ўрачыстая цырымонія ўзнагароджання  пераможцаў адбудуцца 19 мая 2017 года ў канферэнц-зале СТАА «Мінскі міжнародны адукацыйны цэнтр імя Ёханэса Рау»

Фестываль праводзіцца ў шасці намінацыях.

1. «Спадар Скарына» – віртуальны альбом беларускай цацкі, якая дэманструе непаўторнасць традыцыйнага лялечнага мастацтва (вырабы з саломкі, тканіны, бісеру, драўляных пацерак, гліны, дрэва, воўны, бяросты, скуры і іншых матэрыялаў). Увага: пры стварэнні вырабаў мусяць выкарыстоўвацца інструменты гандлёвай маркі BOSCH и DREMEL. Творчыя работы неабходна суправадзіць фотаздымкам ці відэа, якія дэманструюць выкарыстанне названых інструментаў.

2. «Кніжнае свята» – віртуальны альбом вокладак і старонак першых друкаваных кніг, вырабленых у розных тэхніках і аздобленых арнаментам, малюнкамі (мастацкі роспіс, выпальванне, ткацтва, разьба па дрэве, набіванка, вышыўка, скрапбукінг, карціны на шкле, пэчворк і інш.). Пры жаданні праекты можна праілюстраваць цытатамі з выданняў, надрукаваных Скарынам.

3. «Шляхамі першадрукара» – віртуальны альбом памятных месцаў, пуцевадзіцеляў па мясцінах жыцця і друкарскай дзейнасці Ф. Скарыны, па краязнаўчых маршрутах, музеях. Да ўдзелу ў конкурсе прымаюцца ілюстрацыі, малюнкі, аплікацыі з пазначанымі гісторыка-культурнымі аб’ектамі і іх апісаннем.

4. «Эпоха творцы» –  віртуальны альбом твораў пра жыццё, кнігавыдавецкую дзейнасць першадрукара, яго эпоху. У спаборніцтвах па гэтай намінацыі ўдзельнічаюць эсэ, нататкі, сачыненні, уражанні, лісты аб друкары, вершы.

5. «Спадчына ў нашай памяці» – віртуальны альбом сюжэтных кампазіцый, прысвечаных Ф. Скарыне, яго жыццю і дзейнасці, – твораў выяўленчага мастацтва. скульптура, жывапіс, графіка, фотамастацтва, дэкаратыўна-прыкладное мастацтва, дрэваапрацоўка.

6. «Калекцыянер.net» – віртуальны альбом эскізаў памятных марак, юбілейных манет і медалёў, прысвечаных знамянальным датам (500-годдзю беларускага кнігадрукавання, заснаванню першай беларускай бібліятэкі ў Полацку, Дню беларускага пісьменства), вырабленых у розных тэхніках. Гэта медніцтва, ганчарства, бондарства, мастацкі роспіс, выпальванне, ткацтва, разьба па дрэве, набіванка, вышыўка, бісерапляценне, дэкупаж, габелен...

Аўтары лепшых работ дыстанцыйнага этапу (па 6 чалавек з кожнай узроставай катэгорыі) стануць удзельнікамі вочнага этапу. Пераможцы вочнага этапу будуць адзначаны дыпломамі і каштоўнымі прызамі.

Для ўдзелу ў фестывалі неабходна падаць заяўку па вызначанай форме і накіраваць разам з ёй творчую работу на электронны адрас olimp.unibel@gmail.com (з абавязковай пазнакай у тэме пісьма «Фестываль творчых праектаў «Францыск Скарына – друкар, мысляр, творца»).

Падрабязней з умовамі правядзення фестывалю і патрабаваннямі да работ можна пазнаёміцца ў інфармацыйным лісце.

Кантакты аргкамітэта:

220004, Рэспубліка Беларусь, г. Мінск, вул. Караля, д. 16;
+375 17 229 19 67 Радзецкая Таццяна Віктараўна;
+375 17 229 19 71 Пінголь Інга Аляксееўна;

e-mailolimp.unibel@gmail.com

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.