Вы тут

Вучыцца будзем па-новаму?


У пачатку сакавіка завяршылася публічнае абмеркаванне новай рэдакцыі Кодэкса аб адукацыі. Вадзім БОГУШ, першы намеснік міністра адукацыі і кіраўнік рабочай групы па падрыхтоўцы Кодэкса аб адукацыі, расказаў, што прапаноў было шмат, але ўсе яны датычыліся дэталей. Пасля юрыдычнага аналізу яны ўлічацца пры ўзгадненні Кодэксу. Сёння ў Палаце прадстаўнікоў нацыянальнага сходу Беларусі прайшоў круглы стол на тэму “Асноўныя напрамкі ўдасканальвання заканадаўства аб адукацыі”, дзе яшчэ раз разгледзелі новую рэдакцыю.


Фота: eva.ru

Гэты круглы стол стане адным з серыі такіх мерапрыемстваў. Плануецца, што пройдуць сустрэчы ў такім фармаце з прадстаўнікамі вышэйшай і сярэдняй адукацыі, а таксама кропкава па актуальных пытаннях. Гэта робіцца для таго, каб яшчэ да ўнясення Кодэкса на разгляд у Палату прадстаўнікоў зняць самыя спрэчныя моманты. Старшыня Пастаяннай камісіі Палаты прадстаўнікоў па адукацыі, культуры і навуцы Ігар МАРЗАЛЮК лічыць, што “ўсе беды ад сырых, “недапечаных” законаў”. Кодэкс аб адукацыі павінен максімальна спрыяць павышэнню якасці падрыхтоўкі і вучня, і студэнта.

— У камісію зараз паступае шмат прапаноў, бывае да 60 ад аднаго чалавека, — расказвае Ігар Марзалюк. — Мы іх будзем перадаваць у рабочую групу міністэрства, самі ставіць на кантроль і разглядаць. Мы па-максімуму плануем улічыць рацыянальныя ідэі.

Старшыня камісіі, напрыклад, прапанаваў вызначыць мінімальны бал, з якім можна паступаць у ВНУ. Калі ён ніжэй — паступаеш у прафесійна-тэхнічнае вучылішча. Дарэчы, па такім прынцыпе ідзе адбор у Германіі. Інакш ёсць праблема “са звышдаступнасцю вышэйшай адукацыі, а гэта масавасць нараджае незадаволенасць самых лепшых і перспектыўных выпускнікоў сярэдняй школы”.

— Мы гэты кодэкс робім для сябе, для нацыянальнай сістэмы адукацыі, для нашай краіны, для паляпшэння якасці сістэмы з улікам усіх прынятых міжнародных дамоваў, якія ўзяла на сябе Беларусь, — падкрэсліў Ігар Марзалюк.

Надзея АНІСОВІЧ

аnіsоvісh@zvіаzdа.bу

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».