04 снежня, пятніца

Вы тут

Месца працы адшукаюць у аграпрамысловым сектары


На працягу найбліжэйшага месяца кожнаму непрацуючаму жыхару Гомельскай вобласці неабходна даць варыянты працаўладкавання. Такое даручэнне даў старшыня Гомельскага аблвыканкама Уладзімір Дворнік на апаратнай нарадзе.


Рашэнне гэтай задачы губернатар усклаў на членаў назіральных камісій, якія некалькі гадоў таму былі створаны ў кожным раёне вобласці. «Яны павінны абысці кожны дом, кожную кватэру, атрымаць аб'ектыўную інфармацыю непасрэдна ад саміх людзей. Калі ў сям'і ёсць непрацуючыя грамадзяне працаздольнага ўзросту, ім трэба прапанаваць варыянты ўладкавання на працу. На падставе сабраных даных ствараецца база, з дапамогай якой выбудоўваецца сістэма кіравання працэсам», — сказаў Уладзімір Дворнік. Пажадана, каб да гэтай працы актыўна падключыліся і дэпутаты мясцовых Саветаў розных узроўняў, лічыць ён.

Паводле слоў старшыні аблвыканкама, у першую чаргу варта звярнуць увагу на магчымасць працаўладкавання грамадзян у аграпрамысловым комплексе — на работы, звязаныя з пасяўной, а таксама па добраўпарадкаванні тэрыторый.

«Найпершая задача ўлады — падтрымаць тых, хто ў гэтым мае патрэбу, і дапамагчы вырашыць праблемы тым, хто здольны гэта зрабіць самастойна», — падкрэсліў Уладзімір Дворнік.

Вераніка ПУСТАВІТ

pustavіt@zvіazda.by

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.