Вы тут

Пашпарты ўручаць у Канстытуцыйным Судзе і Рэспубліканскім доме моладзі


15 сакавіка ў рамках аднаго з цэнтральных мерапрыемстваў Усебеларускай акцыі “Мы — грамадзяне Беларусі!”, прысвечанай Дню Канстытуцыі Рэспублікі Беларусь, Старшыня Канстытуцыйнага Суда Рэспублікі Беларусь, заслужаны юрыст Рэспублікі Беларусь Пётр Міклашэвіч уручыць юнакам і дзяўчатам, якія дасягнулі 14-гадовага ўзросту, пашпарты грамадзяніна Рэспублікі Беларусь.


Фота: dribin.by

У падарунак хлопцы і дзяўчаты атрымаюць маляўніча аформлены альбом “Я — грамадзянін Рэспублікі Беларусь” аб нашай Радзіме, яе гісторыі, дзяржаўным ладзе, прыродзе, нацыянальных традыцыях і перспектывах развіцця, у якім даступна выкладзены асноўныя палажэнні Канстытуцыі, дапоўненыя юрыдычнымі каментарамі, тлумачэннямі, выказваннямі вядомых дзеячаў. Арганізатары падрыхтавалі кожнаму ўдзельніку акцыі прывітальны адрас.

Таксама ў Дзень Канстытуцыі Рэспублікі Беларусь у 15.00 урачыстая цырымонія ўручэння пашпартоў грамадзяніна Рэспублікі Беларусь адбудзецца ў Рэспубліканскім доме моладзі.

Пуцёўку ў дарослае жыццё 14-гадовым юнакам і дзяўчатам з Гродзенскай, Магілёўскай і Мінскай абласцей уручыць Лідзія Ярмошына, Старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў.

Адразу пасля ўрачыстай цырымоніі Лідзія Ярмошына і першы сакратар ЦК ГА “БРСМ”, член Савета Рэспублікі Нацыянальнага сходу Рэспублікі Беларусь Андрэй Белякоў у якасці экспертаў прымуць удзел у “Адкрытым дыялогу” на тэму: “Мы — грамадзяне Беларусі!”. Сярод пытанняў, які плануецца падняць у ходзе дыскусіі — роля моладзі ў дэпутацкім корпусе мясцовых Саветаў і іншыя актуальныя пытанні.

Патрыятычная акцыя "Мы — грамадзяне Беларусі!” праходзіць па ўсёй краіне па ініцыятыве Беларускага рэспубліканскага саюза моладзі з 2004 года. Штогод у ходзе яе мерапрыемстваў кіраўнікі заканадаўчай і выканаўчай улады, грамадскія дзеячы і іншыя заслужаныя і аўтарытэтныя людзі краіны ва ўрачыстай абстаноўцы ўручаюць 14-гадовым юнакам і дзяўчатам пашпарты грамадзян Рэспублікі Беларусь — актывістам Саюза моладзі, выдатнікам вучобы, удзельнікам навукова-практычных канферэнцый, пераможцам і прызёрам рэспубліканскіх спаборніцтваў, фестываляў, конкурсаў, прадметных алімпіяд.

Сяргей РАСОЛЬКА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.