На сесіі Брэсцкага абласнога Савета яго дэпутаты падвялі вынікі работы за мінулы год і абмеркавалі стан спраў на падведамаснай тэрыторыі.
Старшыня аблсавета Сяргей Ашмянцаў агучыў колькасць зваротаў грамадзян у адрас абласнога прадстаўнічага органа. Іх у справаздачным перыядзе было больш за 180. Сам старшыня Савета правёў за год чатыры прамыя лініі. Каля паўтары сотні тэлефонных званкоў з месцаў разглядаліся аператыўна. На большую частку зваротаў дадзены тлумачэнні, некаторыя просьбы і скаргі ўзятыя на кантроль.
У дакладзе на сесіі асаблівая ўвага ўдзялялася рабоце мясцовых Саветаў дэпутатаў па падтрымцы асабістых падсобных гаспадарак грамадзян. Напрыклад, на прыём да старшыні аблсавета летась прыйшла жанчына з Жабінкаўскага раёна з просьбай дапамагчы набыць ёй дзве тоны саломы. Вядома, гэтую праблему павінны былі вырашыць на раённым, а то і на пярвічным узроўні.
Дэпутаты зноў засяродзілі ўвагу на паляпшэнні якасці тлумачальнай, інфармацыйнай работы. Кіраўнік абласнога Савета лічыць, што народныя выбраннікі на месцах нярэдка ўпускаюць такі важны аспект работы з насельніцтвам, як прапаганда здаровага ладу жыцця і клопат пра ўласную бяспеку.
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
