Вы тут

Аліна Талай правяла ўрокі на роднай мове ў родным горадзе


Вядомая беларуская лёгкаатлетка, пераможца і прызёр чэмпіянату свету і Еўропы Аліна Талай правяла ў Оршы ўрокі праекта “Чытаем па-беларуску з velcom”. Настаўнікамі для аршанскіх школьнікаў сталі таксама вядучы “Падарожжаў дылетанта” Юрый Жыгамонт і дзіцячая пісьменніца Алена Масла.


У праграме прынялі ўдзел 6 аршанскіх устаноў адукацыі, у тым ліку родная школа Аліны. Спартсменка правяла інтэрактыўныя заняткі на беларускай мове на веданне спартыўных тэрмінаў, гульню “Перакладчык”, паказала відэа сваіх выступленняў і, вядома, расказала аб тым, як важна размаўляць на роднай мове і паважаць сваю культуру. “Я прыемна здзіўлена тым, як добра школьнікі ведаюць беларускую мову. Уражанні ад урокаў толькі самыя прыемныя”, — зазначае спартсменка.

Галоўная мэта праекта — развіць цікавасць у вучняў 2-3 класаў да беларускай мовы, літаратуры і культуры па ўсёй краіне. Урокі праходзяць з удзелам дзеячаў культуры і спорту. У сакавіку-красавіку ініцыятыва ахопіць 25 школ у 6 гарадах Віцебшчыны. Чыталі па-беларуску з velcom ужо каля 17 000 школьнікаў са 140 адукацыйных устаноў.

Святлана БАРЫСЕНКА

Выбар рэдакцыі

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла