Вы тут

Каб пакінуць свой след на зямлі


Калісьці, на зары сваёй літаратурнай дзейнасці, малады журналіст Мікола Панасюк прызнаваўся:

Не выдаў я пакуль што кніжкі,

Але, паверце, не журуся:

Кладу пакосы, нібы нізкі,

На лузе росным Беларусі.

Пішу за вёскаю — плугамі,

Пішу у чэрвені — касою.

Лугі мне дзякуюць стагамі

І пояць чыстаю расою...

Але час не стаіць на месцы, ды і людзі не сядзяць, склаўшы рукі, а тым больш, калі абралі для сябе прафесію журналіста. Мікола, а потым і Мікола Васілевіч, нібы той пералётны птах, заўсёды знаходзіўся ў руху, вечна некуды ляцеў, спяшаўся, тварыў. У выніку сёння ў творчай бібліяграфічнай скарбонцы гэтага адоранага рупліўца і паэзія, і дакументалістыка, і публіцыстыка. Паэтычны зборнік «Крык немаўляці» перавыдаваўся, напрыклад, дзевяць разоў! Героямі твораў Міколы Панасюка сталі знакаміты беларускі кампазітар Ігар Лучанок, выдатны аграрнік Аляксей Скакун, літаратуразнаўца, прафесар Уладзімір Калеснік... Ды што там зямляне, — да касманаўтаў (Уладзіміра Кавалёнка, Алега Навіцкага, Аляксея Лявонава ды іншых) Мікола Васілевіч таксама дабраўся! Двойчы Герою Савецкага Саюза Пятру Клімуку нават кнігу прысвяціў «Арыенцір — сузор'е Арыён», якая, дарэчы, перакладзена на рускую мову...

Мімаволі задумваешся: адкуль у гэтага хлопчыка з хутара столькі цікавасці і спагады да людзей, столькі гонару за іх дасягненні, столькі кіпучай энергіі і любові да жыцця?

Адказ відавочны: ды з глыбіні ягонай душы, з жадання пакінуць след на зямлі, прымусіць чытача задумацца над сэнсам і законамі жыцця, аддзячыць нябеснаму Творцу за яго вялікую ласку і міласць.

...Надоечы пісьменніку-дакументалісту, былому звяздоўцу споўнілася 70. Ужо... І яшчэ... Ва ўсякім разе блізкія Міколы Васілевіча, яго калегі і чытачы, прыхільнікі таленту шчыра жадалі юбіляру моцнага здароўя, доўгага веку, новых поспехаў на літаратурнай ніве і новых узнагарод за нялёгкую творчую працу!

Надзея ПАРЧУК, член Саюза пісьменнікаў Беларусі,

г. Брэст

Выбар рэдакцыі

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.

Эканоміка

Чаму не варта спадзявацца на «шэрую» зарплату?

Чаму не варта спадзявацца на «шэрую» зарплату?

Будаўніку заплацілі менш, чым дамаўляліся вусна.

Культура

Галоўны рэдактар часопіса «Маладосць» распавядае пра новую стратэгію выдання

Галоўны рэдактар часопіса «Маладосць» распавядае пра новую стратэгію выдання

З пачаткам новай падпісной кампаніі ў «Маладосці» з'явіўся новы «прамоўшан»: цяпер гэта «больш чым часопіс».