Вы тут

Сертыфікат кашэрнасці


У мінулым годзе Старадарожскі плодаагароднінны завод атрымаў сертыфікат кашэрнасці, што дазволіла экспартаваць прадукцыю ў Ізраіль.


На сённяшні дзень туды ўжо пастаўлены дзве партыі замарожанай фасаванай дзікарослай ягады пад гандлёвай маркай гэтай краіны. Сёлета ўзаемавыгаднае супрацоўніцтва плануецца расшырыць. Выйсці на ізраільскі рынак, як адзначыў галоўны інжынер прадпрыемства Павел Доўнар, дазволіў удзел у выстаўцы «Прадэкспа». Адзін з самых прадстаўнічых і вялікіх на постсавецкай прасторы форум дае магчымасць заводзіць новыя кантакты, знаходзіць новых спажыўцоў. Штогод спецыялісты прывозяць з Масквы кантракты. Нядаўна завод прадставіў тут сваю прадукцыю. Маркоўны сок з мякаццю і нектар з буякоў з мякаццю былі адзначаны ўзнагародамі.

Завод плануе нарошчваць аб'ёмы паставак бярозавіку ў краіны Еўрасаюза: Польшчу, Італію, Галандыю, паколькі на яго атрыманы біясертыфікат, які спрашчае экспарт.

Па словах галоўнага тэхнолага Аксаны Целеш, на прадпрыемстве робяць стаўку на натуральную прадукцыю, без розных дабавак — толькі цукар, ягада і пекцін, які ўмацоўвае касцявую і імунную сістэмы. «Разам з Навукова-практычным цэнтрам Нацыянальнай акадэміі навук Беларусі па харчаванні распрацоўваем новую лінейку прадукцыі: джэмаў фруктовых, варэння», — дадала спецыяліст.

Прадпрыемства валодае асабістай сыравіннай базай. Сад займае 20 гектараў, у тым ліку — 4 гектары маліны. Летась пасаджана каля 2 гектараў буякоў. Усяго ж на заводзе выпускаецца 90 відаў прадукцыі.

Таццяна ЛАЗОЎСКАЯ

lazovskaya@zviazda.by

Дадаць каментар

Выбар рэдакцыі

Грамадства

Каля 30% грыбоў з леташніх рынкаў ужываць у ежу было нельга

Каля 30% грыбоў з леташніх рынкаў ужываць у ежу было нельга

Будзьце пільныя ў дачыненні да таго, што і як ясце, іначай проста не пазбегнуць непрыемнасцяў. 

Эканоміка

Наколькі лёгка знайсці кватэру ў сталіцы за дзень?

Наколькі лёгка знайсці кватэру ў сталіцы за дзень?

Не за гарамі верасень з традыцыйным «студэнцкім бумам», а гэта азначае, што рынак арэнднага жылля чакае рух.

Грамадства

У Бешанковічах адкрылі навукова-вытворчы комплекс «Націвіта»

У Бешанковічах адкрылі навукова-вытворчы комплекс «Націвіта»

Такой вытворчасці няма больш нідзе ў нашай краіне. 

Калейдаскоп

Парады для беларускіх аматараў жанру Stand-up

Парады для беларускіх аматараў жанру Stand-up

Гумарыстычнымі праграмамі ў жанры stand-up сёння не здзівіш еўрапейскага, расійскага і ўкраінскага тэлегледача.