Учора кіраўнік дзяржавы правёў нараду па пытанні аптымізацыі колькасці работнікаў дзяржаўных органаў.
— Адной з неабходных умоў для павышэння эфектыўнасці дзяржаўнай улады з'яўляецца пастаяннае ўдасканаленне кіраўніцкай сістэмы і яе механізмаў, — падкрэсліў кіраўнік дзяржавы. — Тут мы павінны дабівацца рэзультатаў, безумоўна, не лічбай, а ўменнем. Не раздуваць бюракратычны апарат, а сістэмна фарміраваць кампактную структуру і эфектыўную мадэль кіравання.
Як заявіў Прэзідэнт, гэта трэба рабіць паступова і «гэта не разавы акт, прывязаны да нейкай канкрэтнай лічбы».
— Перш за ўсё нам трэба адсекчы ўсё лішняе ўмомант, што плодзіць бюракратыю і перашкаджае дынамічнаму развіццю краіны. Кожны чалавек, які працуе ў дзяржаўнай структуры, павінен мець перад сабой пэўную мэту і выконваць пэўныя задачы. Калі гэтыя людзі такім чынам загружаныя, значыць, яны дадуць вынік, — лічыць Аляксандр Лукашэнка.
Ён падкрэсліў, што аптымізацыя мае на ўвазе не толькі колькасць работнікаў дзяржорганаў, а ў цэлым функцыянаванне дзяржаўнай машыны:
— Гэта сведчыць пра тое, што няправільна паступаюць і разумеюць тыя, хто бачыць у аптымізацыі функцыянавання дзяржаўных органаў толькі скарачэнне колькасці. Калі мы пойдзем гэтым шляхам, мы вялікага эфекту не дасягнём. Трэба паглядзець на ўсе працэсы, якія адбываюцца ў дзяржаўных органах краіны. На гэта, дарэчы, звяртае ўвагу насельніцтва, калі мы праводзім сацыялагічныя апытанні. Сустракаючыся на нарадах з прадстаўнікамі сілавых структур, я ўжо казаў пра тое, што нам трэба аптымізаваць працэсы і мы зможам атрымаць ад гэтага нашмат большы эфект.
У 2013 годзе ў краіне ўжо прадпрымалі пэўныя крокі. Цяпер неабходна гэту працу працягнуць, удзяляючы, як падкрэсліў кіраўнік дзяржавы, больш увагі якасці ўсёй кіраўніцкай дзейнасці.
— Таму ўраду і Адміністрацыі Прэзідэнта было даручана прапрацаваць і ўнесці мне на разгляд сістэмныя прапановы. Галоўная мэта ў гэтай справе — пазбавіць дзяржаўныя органы дублюючых і неўласцівых функцый, тых функцый, якія дзяржаўныя органы ўвогуле не павінны выконваць, — заявіў кіраўнік дзяржавы. — А самае галоўнае, дэбюракратызаваць працэс прыняцця кіраўніцкіх рашэнняў.
Як адзначыў падчас нарады Прэзідэнт, ён хацеў бы ўсебакова абмеркаваць прадстаўленыя прапановы па аптымізацыі дзейнасці дзяржорганаў, каб пасля прыняць правільнае рашэнне.
— Бо за гэтым стаяць канкрэтныя людзі. Трэба прызнаць, што ў цэлым у дзяржаўных структурах працуюць самыя адукаваныя, вопытныя і падрыхтаваныя людзі, ад якіх залежыць функцыянаванне дзяржавы.
Аляксандр Лукашэнка зрабіў акцэнт і на тым, што як бы сёння ні скарачалася колькасць дзяржслужачых, дзяржорганы невялікіх гарадоў, раёнаў, сельскія і пасялковыя саветы скарачаць не трэба.
* * *
Як заявіў журналістам прэм'ер-міністр Андрэй КАБЯКОЎ па выніках нарады ў кіраўніка дзяржавы, неабходна ў максімальнай ступені аптымізаваць працэсы, звязаныя з дзяржкіраваннем, а таксама знізіць іх затратнасць, не змяншаючы, а нават павялічваючы якасць кіраўніцкіх рашэнняў.
— Гэты працэс павінен ісці не як нейкая кампанія да пэўнай даты, а паступальна, на працягу па меншай меры гэтага года. І няма гаворкі пра тое, што нават тады працэс будзе завершаны. Ён павінен ісці пастаянна, — упэўнены Андрэй Кабякоў.
Ён таксама паведаміў, што Прэзідэнт даручыў правесці гэту работу вельмі ўважліва і карэктна, каб ні ў якім разе не пакрыўдзіць людзей, не скараціць кагосьці несправядліва або недаацаніць нечую працу.
Надзея ЮШКЕВІЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.