17 Жнівень, чацвер

Вы тут

Андрэй Раўкоў распавёў пра падрабязнасці вучэнні "Захад-2017"


Прэзідэнт Беларусі Аляксандр Лукашэнка зацвердзіў задуму сумеснага стратэгічнага вучэння ўзброеных сіл Беларусі і Расіі "Захад-2017". Пра гэта паведаміў журналістам міністр абароны Беларусі Андрэй Раўкоў.


Фота: defence.ru

Ад Кольскага паўвострава да Беларусі 

"Прасторавы размах гэтага вучэння вельмі вялікі - ад Кольскага напрамку ў арктычнай зоне і заканчваючы Беларуссю", - расказаў міністр. 

На тэрыторыі Беларусі будзе задзейнічана 7 палігонаў і участкаў мясцовасці для рэгіянальнай групоўкі войскаў. 

Тэрміны 

Плануецца, што вучэнне "Захад-2017" пройдзе з 14 па 20 верасня. 

Андрэй Раўкоў нагадаў, што ў склад рэгіянальнай групоўкі войскаў уваходзяць Узброеныя Сілы Беларусі і 1-я танкавая армія Заходняй ваеннай акругі Расіі. Частка сіл і сродкаў гэтай танкавага войска прыбудзе на тэрыторыю Беларусі для ўдзелу ў вучэнні. 

Колькасць і расійскі складнік 

Агульная колькасць войскаў, якія прыцягваюцца на вучэнні, не будзе перавышаць тых параметраў, якія вызначаны Венскім дакументам 2011 года, - не больш за 13 тыс. чалавек асабовага складу. 

"Ад Расійскай Федэрацыі для ўдзелу на нашай тэрыторыі ў сумесным стратэгічным вучэнні плануецца каля 3 тыс. вайскоўцаў і каля 280 адзінак тэхнікі", - паведаміў міністр. 

Акрамя сухапутнага складніка, будзе задзейнічана і авіяцыя, у тым ліку да 25 лятальных апаратаў з расійскага боку. 

"Ніякага ажыятажу няма. Усе планава", - запэўніў Андрэй Раўкоў. 

Абарончая тэматыка 

"Кіраўнік дзяржавы акцэнтаваў увагу, што дадзенае вучэнне - гэта спосаб падрыхтоўкі рэгіянальнай групоўкі войскаў, якая з'яўляецца гарантам ў пытаннях абароны тэрыторыі Саюзнай дзяржавы на заходнім напрамку", - адзначыў міністр. 

Адпаведна, адпрацоўваецца абарончая тэматыка вучэння. Яго задача - праверыць гатоўнасць рэгіянальнай групоўкі войскаў да выканання задач па абароне Саюзнай дзяржавы. 

Запрашэнні партнёрам на Захадзе 

"Скіраванасць рэгіянальнай групоўкі войскаў, падрыхтоўка і трэніроўка яе дзеянняў заключаецца менавіта ў абарончым складніку. Для таго каб прадстаўнікі НАТА, заходніх дзяржаў маглі пераканацца ў гэтым, мы запрашаем адпаведную катэгорыю", - распавёў Андрэй Раўкоў. 

Паводле яго слоў, на сённяшні дзень з боку замежных партнёраў ёсць сур'ёзная зацікаўленасць у прыездзе і назіранні за ходам вучэнняў. 

"Мы накіруем запрашэнні за 50 сутак да пачатку вучэнняў. Тыя патрэбы, пра якія заяўляюць заходнія партнёры, будуць выкананы", - сказаў міністр. 

Як паведамлялася, тэмай маючага адбыцца вучэння стане падрыхтоўка і прымяненне груповак войскаў (сіл) у інтарэсах забеспячэння ваеннай бяспекі Саюзнай дзяржавы. 

Мэтамі мерапрыемства з'яўляюцца ўдасканаленне аператыўнай сумяшчальнасці штабоў розных узроўняў, а таксама спалучэнне перспектыўных сістэм кіравання войскамі і зброяй; апрабацыя палажэнняў новых статутных дакументаў, распрацаваных ва ўзброеных сілах Беларусі і Расіі; атрыманне практыкі камандуючым, камандзірамі і штабамі па планаванні мерапрыемстваў ваеннага характару па стабілізацыі становішча і кіраванні войскамі (сіламі) у ходзе іх правядзення. 

Вучэнне пройдзе ў два этапы. Акрамя адпрацоўкі пытанняў прымянення груповак войскаў будуць практычна выконвацца задачы тэрытарыяльнай абароны, узмацнення аховы дзяржаўнай мяжы, аднаўлення баяздольнасці войскаў і ўсебаковага забеспячэння.

БЕЛТА

Дадаць каментар

Выбар рэдакцыі

Грамадства

Руху WоrldSkіlls Belarus патрабуецца ўласны брэнд

Руху WоrldSkіlls Belarus патрабуецца ўласны брэнд

У кастрычніку ў Абу-Дабі (ААЭ) пройдзе 44-ы чэмпіянат WоrldSkіlls Іntеrnаtіоnаl, у якім возьмуць удзел і беларусы. 

Грамадства

Як байцы з трох краін узводзяць новую спартыўную арэну

Як байцы з трох краін узводзяць новую спартыўную арэну

Сярод усіх маладзёжных будоўляў гэтага лета мінская гарадская — асаблівая. 

Калейдаскоп

Дзмітрый Літвіновіч: СhеrrуVаtа «абнулілася» і пачала новае жыццё

Дзмітрый Літвіновіч: СhеrrуVаtа «абнулілася» і пачала новае жыццё

Наколькі цяжка пачынаць прамаўляць уголас пасля доўгага маўчання, ці змяніліся ўмовы гульні на музычным рынку і ці прынялі хіпстары памкненні эксперыментатараў старога пакалення.

Грамадства

Унікальны заплыў «на чым папала» прайшоў на Аўгустоўскім канале

Унікальны заплыў «на чым папала» прайшоў на Аўгустоўскім канале

Гэта відовішча ўжо трэці год запар здзіўляе сваім нестандартным падыходам.