Вы тут

Як беларускае радыё адзначыць Сусветны дзень паэзіі


Першы нацыянальны канал Беларускага радыё правядзе эфірную акцыю "Паэтычны марафон". Пра гэта паведамляе прэс-служба Белтэлерадыёкампаніі.


Вядучыя розных праектаў прачытаюць у эфіры творы беларускіх класікаў. Ужо з самай раніцы тэматычны радыёдзень пачне напаўняцца лірычнымі ноткамі: старт будзе дадзены ў інфармацыйнай праграме «Радыёфакт».

У праекце "Раніца з Беларускім радыё" ўвазе слухачоў будзе прадстаўлена апытанне, у якім мінчане і госці сталіцы раскажуць пра тое, якія аўтары ім падабаюцца, а таксама прачытаюць свае любімыя вершы.

У дзённым эфіры паэтычную эстафету прымуць праграмы "Пра надвор'е і не толькі», «Для тых, хто дома», «Нясумны перапынак», «Такі дзень». Вядучыя рыхтуюць сюрпрызы і запрашаюць усіх да ўдзелу ў марафоне.

Завершыць марафон перадача «Паэтычны эцюд», якая выходзіць у эфір штодня па буднях у 20.15.

Канал «Культура» правядзе акцыю «З паэзіяй сёння і заўсёды». На працягу дня вядучыя праграм будуць пачынаць свае эфіры з прачытання любімага верша беларускіх аўтараў. У прыватнасці, не абыдзецца без твораў класікаў Янкі Купалы і Якуба Коласа, а таксама вядомых баек Кандрата Крапівы. Вядучыя таксама запросяць далучыцца да акцыі і гасцей, якія прымуць удзел у перадачах.

У праграме «У рытме дня», якая стартуе ў 7.00, а таксама ў абедзеннай перадачы «У кампаніі з «Культурай» прагучаць фрагменты літаратурна-музычных кампазіцый, якія захоўваюцца ў фондах Беларускага радыё.

Паэзія беларускіх аўтараў таксама гучыць на «Культуры» ў праграмах «Гаспода» І «ПраЧытанне».

У эфіры Міжнароднага радыё «Беларусь» спецыяльна да свята прагучаць вершы класікаў беларускай літаратуры на ўсіх васьмі мовах вяшчання радыёстанцыі: беларускай, рускай, англійскай, нямецкай, польскай, іспанскай, французскай і кітайскай.

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.