Вы тут

Аўтамабіль наехаў на натоўп людзей на Вестмінстэрскім мосце ў Лондане


Пяць чалавек, у тым ліку нападнік, загінулі і больш за 40 атрымалі раненні ў выніку тэракту каля будынка парламента ў цэнтры Лондана. Паліцыя лічыць, што зламыснік, які давіў мінакоў на Вестмінстэрскім мосце і зарэзаў паліцэйскага, мог быць звязаны з радыкальнымі ісламістамі.


Фото: Reuters

Днём 22 сакавіка а 14:40 па мясцовым часе (17:40 па Мінску) мужчына за рулём аўтамабіля наўмысна заехаў на тратуар на Вестмінстэрскім мосце і стаў ціснуць мінакоў. У выніку па меншай меры тры чалавекі загінулі.

Затым аўтамабіль збочыў да будынка брытанскага парламента і ўрэзаўся ў агароджу Вестмінстэрскага палаца. Мужчына, які знаходзіўся за рулём, выскачыў з машыны з нажом і пабег да будынка парламента, дзе яму заступілі дарогу паліцэйскія.

Мужчына накінуўся з нажом на бяззбройнага паліцэйскага. Затым падаспеў ўзброены паліцэйскі нарад, які застрэліў нападніка.

Паліцэйскі, на якога напаў тэрарыст, памёр ад атрыманых ран. Пазней Скотленд-ярд назваў яго імя. Гэта 48-гадовы Кіт Палмер; ён праслужыў у паліцыі 15 гадоў.

Ужо позна ўвечары кіраўнік Контртэрарыстычнага падраздзялення Скотленд-ярда Марк Роўлі паведаміў, што асоба зламысніка ўжо ўстаноўлена, аднак у дэталі ўдавацца не стаў.

"Тэрарысты маюць перад сабой ясную мэту: пасеяць варожасць і недавер, стварыць атмасферу страху", - заявіў Роўлі.

Брытанскі прэм'ер-міністр Тэрэза Мэй назвала тое, што здарылася жахлівым і агідным нападам.

Неўзабаве пасля тэракту Мэй склікала экстранае пасяджэнне ўрадавага камітэта па надзвычайных сітуацыях - COBRA.

"Месца нападу было абрана не выпадкова. Тэрарыст наважыўся нанесці ўдар у самым сэрцы нашай сталіцы, дзе збіраюцца разам людзі ўсіх нацыянальнасцяў, веравызнанняў і культур, дзе кіруюць свабода і дэмакратыя", - заявіла Мэй журналістам пасля гэтага пасяджэння.

Па словах прэм'ера, узровень тэрарыстычнай пагрозы ў краіне ацэньваецца як "значны" - гэта азначае, што верагоднасць новых тэрактаў вельмі высокая.

Шматлікія відавочцы апісваюць нападніка як апранутага ў чорнае барадатага мужчыну азіяцкай знешнасці ва ўзросце каля 40 гадоў, узброенага двума нажамі.

Да моманту прыбыцця ўрачоў ён яшчэ быў жывы, аднак у выніку атрыманыя ім раненні аказаліся смяротнымі.

Неўзабаве будынак парламента ачапіў спецназ лонданскай паліцыі, на месца здарэння прыбылі лекары і ратавальнікі. Прэм'ер-міністра Тэрэзу Мэй эвакуявалі ў яе рэзідэнцыю, а астатніх дэпутатаў спачатку заклікалі не пакідаць будынак, а потым арганізавана вывелі з яго. Вэстмінстэр быў зачынены на працягу пяці гадзін.

Скотленд-ярд кажа, што нападнік быў адзін. У той жа час паліцыя правярае, ці дзейнічаў ён па ўласнай ініцыятыве, ці ж у яго былі саўдзельнікі.

Супрацоўнікі лонданскай "хуткай дапамогі" заявілі, што 12 чалавек з сур'ёзнымі пашкоджаннямі былі дастаўлены ў бальніцы. Васьмі пацярпелым медыцынская дапамога была аказана на месцы здарэння.

Пакуль ніводная экстрэмісцкая арганізацыя не ўзяла на сябе адказнасць за лонданскі напад.

ВВС

 

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Піць — хваробу лячыць...

Эканоміка

Ці паўплываюць буйныя спартыўныя спаборніцтвы на кошт арэнды жылля ў Мінску

Ці паўплываюць буйныя спартыўныя спаборніцтвы на кошт арэнды жылля ў Мінску

Рынак нерухомасці заўсёды нестабільны перад значнымі мерапрыемствамі, якія прыцягваюць турыстаў.

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне.