Жыхар Паўночнай Ірландыі Джоні Уорд наведаў 197 краін свету. На падарожжа ў яго пайшло 10 гадоў. Пра гэта 33-гадовы мужчына напісаў на сваёй старонцы ў Facebook.
Апошняй у яго маршруце стала Нарвегія, да якой Уорд даляцеў 14 сакавіка. Як адзначае BBC News, Уорду давялося многае перажыць за гэтыя гады. У прыватнасці, яго двойчы арыштоўвалі ў афрыканскай Ліберыі, а ў Анголе на вачах ірландца застрэлілі чалавека. Уорд пачаў сваё падарожжа ў 2006 годзе. Паводле яго слоў, у кожнай краіне ён праводзіў ад некалькіх дзён да некалькіх тыдняў. У пачатку фінансавае становішча мужчыны было цяжкім, яму нават даводзілася выкладаць англійскую мову ў Паўднёвай Карэі і Тайландзе, каб зарабіць на жыццё. Затым Уорд пачаў весці турыстычны блог і атрымліваць даход ад рэкламы. Ён сцвярджае, што змог зарабіць на гэтым больш за 1,5 мільёна долараў.
Уорд звязаўся з прадстаўнікамі Кнігі рэкордаў Гінеса. Ён хоча, каб яго афіцыйна прызналі самым маладым падарожнікам, які пабываў ва ўсіх краінах свету, а таксама адзіным ірландцам, якому ўдалося гэта зрабіць.
Іван Купарвас
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
