25 Верасень, аўторак

Вы тут

Рэшткі 8-метровай статуі былі знойдзеныя ў трушчобах Каіра


Рэшткі 8-метровай статуі, якая, хутчэй за ўсё, паказвае вялікага фараона Рамсеса ІІ, былі знойдзеныя ў трушчобах Каіра. Археолагі ўжо называюць гэтую знаходку адным з найбольш значных археалагічных адкрыццяў за апошнія некалькі гадоў.


Велізарная статуя ўзростам прыкладна 3000 гадоў была пахавана пад пластом зямлі ў трушчобах сталіцы Егіпта. Знаходка была выяўлена непадалёк ад руін храма Рамсеса ва ўсходняй частцы горада. «Мы знайшлі бюст 8-метровай статуі, а таксама ніжнюю частку галавы», — расказаў міністр егіпецкіх старажытнасцяў Халед аль-Анані. — Зараз жа, раскапаўшы галаву, мы знайшлі карону, правае вуха і фрагмент правага вока».

Рамсес ІІ, таксама вядомы як Рамсес Вялікі, лічыцца самым славутым уладаром Старажытнага Егіпта. Ён валадарыў у перыяд з 1279 па 1213 год да н. э. і за 66 гадоў свайго кіравання значна пашырыў межы егіпецкай дзяржавы, атрымаўшы за гэта ўжо пасля смерці ганаровы тытул «Вялікі продак». Фараон вядомы не толькі сваімі пераможнымі кампаніямі супраць хетаў, але таксама пашырэннем сусветнага гандлю, у выніку чаго для многіх гарадоў і абласцей час яго кіравання стаў перыядам небывалага эканамічнага росквіту.

Іван КУПАРВАС

hvir@zviazda.by

Загаловак у газеце: Статуя фараона — у Каіры

Дадаць каментар

Выбар рэдакцыі

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі. 

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.