На гэтым тыдні ў краіне чакаецца няўстойлівае надвор'е, калі сонечныя дні будуць чаргавацца з пахмурнымі і дажджлівымі, паведамляе намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Святлана Рыбакова.
Уначы ў сераду месцамі да мінус 6 градусаў. Удзень амаль паўсюдна прагназуюцца кароткачасовыя ападкі ў выглядзе дажджу і мокрага снегу. Тэмпература паветра — 2—9 цяпла. У паўднёва-заходніх раёнах уначы плюс 1—4 градусы, а ўдзень — 10—15 цяпла. Дождж з мокрым снегам будзе ісці паўсюдна і ўначы ў чацвер. А вось удзень толькі па ўсходзе краіны пройдуць кароткачасовыя ападкі. Уначы ад мінус 4 градусаў па поўначы да плюс 5 градусаў па поўдні, а ўдзень будзе 2—8 цяпла, па паўднёвым захадзе — да плюс 10 градусаў.
Чарговая хваля атмасферных франтоў завітае да нас у пятніцу. Таму кароткачасовыя ападкі ў выглядзе мокрага снегу і дажджу ўначы будуць назірацца пераважна па заходняй частцы, а раніцай і ўдзень ужо на большай частцы тэрыторыі краіны. Чакаецца, што ўначы і раніцай падмарозіць, таму на асобных участках дарог магчымая галалёдзіца. Тэмпература паветра ўначы складзе ад нуля да мінус 6 градусаў, а ўдзень будзе 2—9 цяпла. Па паўднёвым захадзе краіны ўначы 1—6 цяпла, удзень — плюс 10—15 градусаў.
У першыя дні красавіка да нас завітае сапраўднае вясновае цяпло. З паўднёвага захаду Еўропы да нас пачне паступаць цёплае паветра і тэмпературны фон павысіцца. У асобных раёнах, пераважна ў паўночнай частцы краіны, не абыдзецца без кароткачасовых дажджоў. Тэмпература паветра ўначы ў суботу складзе ад мінус 3 градусаў да 4 цяпла, а па паўднёвым захадзе будзе нават не ніжэйшая за плюс 5—8 градусаў. Удзень будзе ў асноўным 11—18 цяпла, але па паўночным усходзе толькі каля плюс 5—10 градусаў. У нядзелю стане яшчэ цяплей, калі ўначы будзе ад плюс 1 да плюс 8 градусаў, а ўдзень увогуле чакаецца 14—20 цяпла.
Сяргей КУРКАЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.