Вы тут

Услед за вясной, што распасцірае крылы


Фота Анатоля Дрыбаса

У былыя часы існавала прыкмета: калі мядзведзь, разбуджаны веснавым цяплом, выйдзе з бярлогі і ўбачыць свой цень, то ён вернецца назад і праспіць яшчэ сорак дзён, бо столькі ж дзён будуць замаразкі. Калі тагачасную прыкмету разглядаць на сучасны лад, то нярэдка мядзведзю таму і зімой не да сну – няма колішніх халадоў. А вось вясной, здараецца, азімкі кусаюцца, халодныя вятры дрэвы з набрынялымі пупышкамі шкамутаюць, бусліныя гнёзды вярэдзяць. Мо, і сёлета дзе заспаў той мядзведзь. Сакавік халодным дажджом возьме ды заплача.

І ўсё ж яна, вясна, распраўляе крылы, адпраўляе ў палёт сваіх птушак-вестуноў, каб усім з вышыні згадвалі аб найлепшай у прыродзе пары – ажыўленні зямнога жыцця. Пра гэта сведчыць нават вокладка сакавіцкага нумара часопіса “Родная прырода”.

Вясновымі клопатамі напоўнены і яго старонкі.

Традыцыйна 23 сакавіка ў свеце адзначаецца метэаралагічны дзень. Каб мы ведалі пра тое, як мяняецца клімат, як ён уплывае на прыроду і чалавека. І зразумела, гэтым таксама займаюцца людзі. Гідраметэаралагічныя інструментальныя назіранні на тэрыторыі нашай краіны былі пачаты яшчэ ў першай палове XIX стагоддзя. Зараз сетка прыземных метэаралагічных назіранняў Рэспублікі Беларусь складае 114 пунктаў, у тым ліку 51 станцыю і 63 метэапасты. Адна з галоўных задач мэтэаролага – складанне сінаптычных зводак. Як гэта адбываецца – у матэрыяле “Важная прафесія – метэаролаг”.

Чуллівыя адносіны чалавека да прыроды прыводзяць да стварэння заапаркаў, вальераў, паляўнічых гаспадарак. Нярэдка дзікія жывёлы жывуць побач з чалавекам у гарадскіх кватэрах і сельскіх дамах. Жадаючы прыручыць дзікую жывёлу, чалавек часам не зважае на тое, што гэта жывая істота, якая выйшла зусім з іншага асяроддзя. І ёй можа быць зусім некамфортна ў новых, няхай сабе і спрыяльных умовах. Менавіта над такой праблемай засяроджана ўвага ў матэрыяле “Живая не-игрушка”. “І толькі ў нашых сілах зрабіць так, каб жывёлы не цярпелі ад нашых неабдуманых дзеянняў і паспешна прынятых рашэнняў”, – робяць вывад аўтары матэрыяла.

Тэма, якая працяглы час на слыху ў грамадстве – перапрацоўка мяса бабра ў вытворчых мэтах. Няўжо ў нас так многа развялося гэтых жывёлін? Наколькі карысны такі дэлікатэс? Паляваць ці захоўваць? Адказы на гэтыя пытанні шукае журналіст выдання ў матэрыяле “Ці чакаць дабра ад здабычы бабра?”

У нумары таксама – чарговае падарожжа па музеях прыроды, урок у “Школе юнага Рабінзона”.

Прыцягвае ўвагу і новая рубрыка “Экалогія душы”, да якой спрычыніўся святар Раман Арцёмаў, магістр філасофскіх навук, загадчык аддзялення завочнага навучання Мінскай духоўнай акадэміі, выкладчык апалагетыкі Мінскай духоўнай акадэміі, клірык храма ў гонар Святой Раўнаапостальнай Марыі Магдаліны г. Мінска.

Дадаць каментар

Выбар рэдакцыі

Грамадства

Уладзімір Краўцоў пра тое, як будзе развівацца Гродзенская вобласць

Уладзімір Краўцоў пра тое, як будзе развівацца Гродзенская вобласць

Кіраўнік Гродзенскай вобласці — аб розніцы паміж усходам і захадам, паразуменні фермераў і буйных агракомплексаў, спосабах прыцягнення турыстаў і прыватнай ініцыятыве ў рэстаўрацыі будынкаў.

Грамадства

Смеццевы калапc: рэальная пагроза?

Смеццевы калапc: рэальная пагроза?

Як у нашай краіне вырашаецца праблема з утварэннем і ўтылізацыяй адходаў.

Грамадства

У Мінск прыляцела даўгахвостая кугакаўка

У Мінск прыляцела даўгахвостая кугакаўка

Сенсацыя ў свеце беларускай фаўны — у Мінск прыляцела сава-«чырванакніжніца».

Грамадства

Колькі прадуктаў і адзення нам неабходна для нармальнага жыцця?

Колькі прадуктаў і адзення нам неабходна для нармальнага жыцця?

Колькі малака і яек беларус ужывае за месяц?