У гэтым месяцы Палац Незалежнасці ўжо наведвалі прадстаўнікі найбуйнейшых міжнародных банкаўскіх структур — Еўрапейскага банка рэканструкцыі і развіцця і Міжнароднага валютнага фонду. А ўчора кіраўнік дзяржавы сустрэўся са старшым віцэ-прэзідэнтам Сусветнага банка па аперацыйных пытаннях спадаром Кайлам Пітэрсам.
Супрацоўніцтва з Сусветным банкам вядзецца ў канструктыўным ключы. Як адзначыў Аляксандр Лукашэнка, мы змаглі знайсці агульную мову:
— Вельмі добра, што мы з вамі супрацоўнічаем, і, відаць, вы не маеце да нас вялікіх прэтэнзій. Мы рэалізавалі з вамі амбіцыйную праграму і сёння распрацоўваем новы план, новую стратэгію нашага супрацоўніцтва. Гэта кажа пра тое, што мы знайшлі агульную мову. Але галоўнае заключаецца ў тым, што вы сваімі дзеяннямі ў Беларусі даяце нам альтэрнатыву. Ваша праца ў Беларусі дае нам магчымасць абапірацца не толькі на адну-дзве крыніцы падтрымкі нашай эканомікі, сацыяльных праектаў, бюджэту і гэтак далей, але і на вельмі магутную падтрымку Сусветнага банка. Вось за гэта я вам, перш за ўсё, удзячны.
Прэзідэнт слушна заўважыў: калі няма альтэрнатывы, калі перад табой няма выбару, тады вельмі складана будаваць эканамічныя адносіны ўнутры і выбудоўваць сацыяльную палітыку.
— Калі ёсць выбар, калі ёсць альтэрнатыва, тады больш магчымасцяў прыйсці да поспеху, — упэўнены беларускі лідар. — За час нашага супрацоўніцтва вы інвеставалі ў краіну мільярд шэсцьсот мільёнаў долараў, і зараз у нас праграма амаль на мільярд долараў. Хачу запэўніць у тым, што, калі мы вам нешта паабяцалі, вы можаце не турбавацца — мы свае абяцанні цвёрда выконвалі і будзем выконваць у будучыні.
Кайл Пітэрс падзякаваў Прэзідэнту за цёплы прыём і магчымасць на свае вочы ўбачыць, як рэалізуюцца ў нашай краіне сумесныя з Сусветным банкам праграмы.
Надзея ЮШКЕВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».