Вы тут

У пасёлку Зарэчча ўведзены дзве кацельні


У аграгарадку Зябраўка Гомельскага раёна і ў пасёлку Зарэчча Рэчыцкага раёна ўведзены дзве кацельні, якія выкарыстоўваюць мясцовыя віды паліва. Сёння яны замяшчаюць каля 2 млн куб. м прыроднага газу. Важныя аб'екты пабудаваны пры падтрымцы Сусветнага банка. Іх кошт складае больш за $5,2 млн.


У прэс-службе Гомельскага аблвыканкама расказалі, што раней цеплазабеспячэнне жылых дамоў у Зябраўцы ажыццяўлялася за кошт дзвюх кацельняў, якія цалкам выпрацавалі свой рэсурс. Новая магутнасцю 8 МВт працуе за кошт спальвання дранкі, пры гэтым гадавы эканамічны эфект ад рэалізацыі гэтага інвестпраекта па плане павінны скласці Br489 тысяч, а прагназуемая эканомія — восемсот тысяч кубаметраў газу ў год.

Пры распрацоўцы генеральнага плана тэрыторыі новай кацельні ўлічана блізкае размяшчэнне жылых дамоў і праведзены неабходныя мерапрыемствы: зроблена шумазасцярога і асобны ўезд на тэрыторыю па новай дарозе, якая абыходзіць жылую забудову.

Новая кацельня ў Зарэччы каштавала $2 млн 841 тыс. У ёй усталяваныя тры катлы агульнай магутнасцю 6,3 МВт і адзін рэзервовы на прыродным газе магутнасцю 5,2 Мвт. Плануецца, што гадавы эканамічны эфект скаладзе Br581 тысячу.

Камунальнікі абяцаюць, што работа ў гэтым кірунку будзе працягнута. Задача на самую блізкую перспектыву — максімальна атрымліваць цеплавую энергію за кошт уласных узнаўляльных прыродных рэсурсаў.

Ірына АСТАШКЕВІЧ

іost@zvіazda.by

Загаловак у газеце: Дранка замест газу

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.