Штотыдзень у эфіры тэлеканала «Беларусь 3» гульня «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды». Ці ведалі вы, што:
Лямантава́ць — моцна і працяжна крычаць, плакаць.
Віго́нь (шматзначнае) — жывёліна сямейства лам з тонкай і мяккай шэрсцю. Слова паходзіць з французскай мовы.
Ляпіс — парашок, які выкарыстоўваецца ў медыцыне для прыпякання. Паходзіць слова ад лацінскага lаріs — камень.
Бро́вар — пабудова, дзе варылі піва, гналі гарэлку. На Беларусі бровар — той самы вінакурны завод, вядомы з ХVІ стагоддзя.
Няста́ча — адсутнасць чаго-небудзь у неабходнай колькасці. «Грудзі распірала ад нястачы паветра», — чытаем у Васіля Быкава.
Лі́таваць — берагчы каго-небудзь, шкадаваць. Пры ўжыванні правільна ставім націск, таму што ёсць яшчэ ўстарэлае слова літавАць — што значыць паяць.
На пазногаць — 1) вельмі мала, трошачкі, ледзь-ледзь; 2) ніколі, зусім (не даваць, не рабіць, не дараваць). Беларускія сінонімы: на макава зерне, на волас. Рускія адпаведнікі: ничегошеньки, на ломаный грош.
Далёка пайсці — дабіцца поспеху, дасягнуць многага. Беларусы яшчэ скажуць: пайсці ў гору, прабіць дарогу. Рускія: выбиться в люди, выйти на орбиту.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
