У Міжнародны дзень тэатра ў эфіры сацыякультурнага тэлеканала «Беларусь 3» гледачы ўбачылі спектакль «Пінская шляхта» Палескага драматычнага тэатра, літаральна на пачатку сакавіка запісаны прадзюсарскім цэнтрам Белтэлерадыёкампаніі.
Як расказалі «Звяздзе» ў прэс-службе холдынга, гэта быў не адзінкавы тэатральны паход, а пачатак вялікага праекта «Легенды беларускай сцэны», у межах якога будуць прадстаўленыя запісы найлепшых тэатральных пастановак — як з фондаў БТРК, так і сучасных спектакляў.
Так, ужо 2 красавіка тэатральную эстафету падхопіць тэлеверсія балета «Маленькі прынц» (яго запіс адбудзецца сёння ў Нацыянальным акадэмічным Вялікім тэатры оперы і балета), а 9 красавіка будзе паказаны архіўны запіс 1989 года — спектакль у дзвюх дзеях «Мілы чалавек» паводле п'есы Кандрата Крапівы. Надалей жа, абяцаюць тэлевізійнікі, сустрэчы з «Легендамі беларускай сцэны» будуць адбывацца кожную нядзелю.
Вікторыя ЦЕЛЯШУК
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.