Вы тут

Прыёмная кампанія стартуе на чатыры дні пазней


Міністэрства адукацыі вызначылася з тэрмінамі падачы дакументаў у прыёмныя камісіі і залічэння абітурыентаў. У галоўным адукацыйным ведамстве растлумачылі нюансы будучай уступнай кампаніі, якія з'явіліся пасля ўнясення змяненняў у Правілы прыёму.


Так, у сувязі з увядзеннем чацвёртай дысцыпліны на ЦТ і трох рэзервовых дзён для здачы тэсціравання (замест аднаго, які быў раней), тэрміны пачатку прыёму дакументаў на бюджэтную форму навучання пасунуліся на чатыры дні. Прыёмныя камісіі будуць прымаць у абітурыентаў дакументы з 12
па 17 ліпеня (летась прыём дакументаў на «бюджэт» распачынаўся 8 ліпеня).

А з 18 ліпеня распачынаюцца ўступныя выпрабаванні, якія праводзяцца непасрэдна ва ўстановах адукацыі. Маюцца на ўвазе экзамены па творчасці, фізічнай культуры, а таксама экзамены для абітурыентаў, якія паступаюць на аснове сярэдняй спецыяльнай адукацыі на скарочаныя тэрміны навучання. Уступныя іспыты арганізаваны толькі ў адну сесію: як для асоб, што паступаюць за кошт сродкаў бюджэту, так і на платнай аснове.

Ад абітурыентаў, якія паступаюць на платнай аснове, але не здаюць уступныя экзамены ў ВНУ, дакументы будуць прымацца:

  • з 12 па 31 ліпеня — у Акадэміі МУС, Магілёўскім інстытуце МУС, Універсітэце грамадзянскай абароны МНС;
  • з 12 ліпеня па 2 жніўня — у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;
  • з 12 ліпеня па 4 жніўня — ва ўсіх іншых установах вышэйшай адукацыі.

Выпускнікі профільных класаў педагагічнай накіраванасці, якія паступаюць на педагагічныя спецыяльнасці, павінны падаць свае дакументы з 12
па 14 ліпеня.

Тэрміны падачы дакументаў для выпускнікоў профільных класаў педагагічнай накіраванасці, якія паступаюць на педагагічныя спецыяльнасці пасля праходжання гутаркі — з 12 па 14 ліпеня (як для асоб, якія паступаюць на «бюджэт», так і на платнай аснове).

Уступныя выпрабаванні пройдуць у наступныя тэрміны:

  • з 18 па 21 ліпеня — у Акадэміі МУС, Магілёўскім інстытуце МУС, Універсітэце грамадзянскай абароны МНС;
  • з 18 па 26 ліпеня — у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;
  • з 18 па 24 ліпеня — у іншых ВНУ.

Тэрміны залічэння на «бюджэт» наступныя: па 24 ліпеня — у ВНУ сілавых ведамстваў, па 28 ліпеня — у творчых, сельскагаспадарчых і іншых ВНУ.

Прыём дакументаў на вакантныя бюджэтныя месцы ў рамках дадатковага набору будзе весціся ў ВНУ сілавых ведамстваў — з 26 па 28 ліпеня (залічэнне па 30 ліпеня), у творчых ВНУ — з 29 па 30 ліпеня (залічэнне па 1 жніўня ) і ў сельскагаспадарчых і іншых ВНУ — з 30 ліпеня па 1 жніўня (залічэнне па 3 жніўня).

Тэрміны залічэння на платную форму навучання ў ВНУ сілавых ведамстваў — па 2 жніўня, у творчых ВНУ — па 3 жніўня, у сельскагаспадарчых і іншых ВНУ — па 6 жніўня.

Пастановай Міністэрства адукацыі таксама рэгламентаваны тэрміны прыёму дакументаў, правядзення гутаркі і залічэння на вакантныя месцы на «бюджэт» і на платнай аснове грамадзян Луганскай і Данецкай абласцей Украіны. Яны змогуць удзельнічаць у конкурсе на бюджэтныя вакантныя месцы ў рамках дадатковага набору адначасова з грамадзянамі Рэспублікі Беларусь. У конкурсе на атрыманне вышэйшай адукацыі на ўмовах аплаты па выніках гутаркі грамадзяне Луганскай і Данецкай абласцей змогуць удзельнічаць па 15 кастрычніка.

Міністэрства адукацыі зацвердзіла пералік міжнародных алімпіяд, пераможцы якіх будуць мець у бягучым годзе права на залічэнне без уступных выпрабаванняў у вышэйшыя і сярэднія спецыяльныя навучальныя ўстановы на адпаведныя спецыяльнасці. Без экзаменаў змогуць паступаць абітурыенты, якія атрымалі ў гэтым годзе дыпломы І, ІІ і ІІІ ступеняў на 58-й Міжнароднай матэматычнай алімпіядзе (Бразілія), 51-й Міжнароднай Мендзялееўскай алімпіядзе школьнікаў па хіміі (Казахстан), 49-й Міжнароднай хімічнай алімпіядзе (Тайланд), 48-й Міжнароднай фізічнай алімпіядзе (Інданезія), 29-й Міжнароднай алімпіядзе па інфарматыцы (Іран), 28-й Міжнароднай біялагічнай алімпіядзе (Вялікабрытанія), 14-й Міжнароднай геаграфічнай алімпіядзе (Сербія), 6-й Еўрапейскай матэматычнай алімпіядзе для дзяўчат (Швейцарыя), 11-й Міжнароднай алімпіядзе па навуках аб Зямлі (Францыя), 13-й Міжнароднай Жаўтыкаўскай алімпіядзе па фізіцы, матэматыцы і інфарматыцы (Казахстан). На залічэнне без уступных выпрабаванняў маюць права і пераможцы алімпіяды школьнікаў Саюзнай дзяржавы па рускай мове і літаратуры «Расія і Беларусь: гістарычнае і духоўнае адзінства», якая праводзілася восенню 2016 года.

Надзея НІКАЛАЕВА

nіkаlаеvа@zvіаzdа.bу

Фота Марыны БЕГУНКОВАЙ

Дадаць каментар

Выбар рэдакцыі

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.

Эканоміка

Навошта нам долары?

Навошта нам долары?

Намеснік старшыні праўлення Нацыянальнага банка Беларусі Сяргей Калечыц расказаў аб дэдаларызацыі эканомікі Беларусі Сыходзіць ад прывязкі

Грамадства

Перадабортнае кансультаванне — гэта перш за ўсё клопат пра жанчыну

Перадабортнае кансультаванне — гэта перш за ўсё клопат пра жанчыну

У ліпені ў Мінску ў трох паліклініках — 10-й, 23-й і 37-й — былі адкрыты кабінеты «За жыццё», дзе праводзяць перадабортнае кансультаванне.

Грамадства

Наколькі складана ў нашай краіне стаць кандыдатам і доктарам навук?

Наколькі складана ў нашай краіне стаць кандыдатам і доктарам навук?

Ці лічыце вы мэтазгодным устанаўленне адзіных патрабаванняў да саіскальнікаў вучоных ступеняў па колькасці апублікаваных навуковых работ незалежна ад галіны навукі?