Вы тут

Памёр паэт Яўген Еўтушэнка


Поэт Евгений Евтушенко

Паэт Яўген Еўтушэнка памёр на 85 годзе жыцця ў ЗША. Аб гэтым паведаміла яго жонка Марыя Новікава.

Паэта шпіталізавалі напярэдадні ў цяжкім стане.
"Ён памёр некалькі хвілін таму ў асяроддзі родных і блізкіх. Мірна, у сне, ад спынення сэрца", - сказала яна.

Новікава не стала адказваць на пытанне пра дату і час пахавання. "Выбачайце, ніякіх каментароў нікому", - заявіла ўдава.

Генеральнае консульства Расіі ў Х'юстане дапаможа ў выкананні апошняй волі паэта, паведамілі РІА Навіны ў прэс-службе расійскай амбасады ў ЗША.

Яўген Еўтушэнка нарадзіўся ў 1932 годзе ў Іркуцкай вобласці. На яго рахунку мноства зборнікаў вершаў і 19 паэм, у тым ліку "Бабін Яр", "Карыда", "Пад скурай статуі Свабоды". Ён таксама атрымаў вядомасць як празаік, рэжысёр, сцэнарыст, публіцыст і акцёр. У 1991 годзе паэт заключыў выкладчыцкі кантракт з універсітэтам у штаце Аклахома і з тых часоў пражываў з сям'ёй у ЗША.

Як паведаміў генеральны прадзюсер фестывалю, які павінен быў прайсці ў Маскве да юбілею паэта, Сяргей Віннікаў, Яўген Еўтушэнка прасіў пахаваць яго ў расійскім пісьменніцкім пасёлку Перадзелкіна, побач з Барысам Пастарнакам, паведамляе ТАСС.

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.